OBSESSION MOVIE | హాలీవుడ్‌లో సంచలనం!

ఆకేరు న్యూస్, డెస్క్: హాలీవుడ్ బాక్సాఫీస్ వద్ద ఓ చిన్న బడ్జెట్ సినిమా భారీ సంచలనం సృష్టిస్తోంది. ప్రముఖ యువ దర్శకుడు కర్రీ బార్కర్ తెరకెక్కించిన సైకలాజికల్ హర్రర్ థ్రిల్లర్ ‘అబ్సెషన్’ (Obsession) ప్రపంచవ్యాప్తంగా 100 మిలియన్ డాలర్లకు పైగా వసూళ్లు సాధించి అందరినీ ఆశ్చర్యపరుస్తోంది.

కేవలం 1 లక్ష డాలర్ల (సుమారు రూ.9 కోట్ల) బడ్జెట్‌తో రూపొందిన ఈ చిత్రం, ఇప్పటికే 100 మిలియన్ డాలర్ల (సుమారు రూ.950 కోట్ల) మార్క్‌ను దాటింది. అంటే తన బడ్జెట్ కంటే 100 రెట్లకు పైగా వసూళ్లు రాబట్టి అరుదైన రికార్డు సృష్టించింది.

* చిన్న కథ.. భారీ విజయం!

ఒక బొమ్మ ద్వారా కోరుకున్న కోరికలు ఎలాంటి భయానక పరిణామాలకు దారితీసాయనే కథాంశంతో ఈ చిత్రాన్ని రూపొందించారు. కేవలం ఒక ఇల్లు, ఒక కారు వంటి పరిమిత వనరులతో తెరకెక్కించినప్పటికీ, కథనం మరియు హర్రర్ ఎలిమెంట్స్ ప్రేక్షకులను విపరీతంగా ఆకట్టుకుంటున్నాయి.

* ‘పారానార్మల్ యాక్టివిటీ’ తర్వాత మరో సంచలనం

2009లో విడుదలైన Paranormal Activity తర్వాత ఇంత తక్కువ బడ్జెట్‌తో తెరకెక్కి బాక్సాఫీస్ వద్ద భారీ విజయాన్ని అందుకున్న చిత్రంగా ‘అబ్సెషన్’ నిలిచింది. ప్రస్తుతం భారీ బడ్జెట్ చిత్రాలు పోటీలో ఉన్నప్పటికీ, ఈ హర్రర్ థ్రిల్లర్ ప్రేక్షకుల ఆదరణతో టాప్ కలెక్షన్లు సాధిస్తోంది.

బలమైన మౌత్ టాక్, విమర్శకుల ప్రశంసలు, సోషల్ మీడియాలో పెరుగుతున్న క్రేజ్ కారణంగా రాబోయే రోజుల్లో ఈ సినిమా మరిన్ని రికార్డులు బద్దలు కొట్టే అవకాశాలు కనిపిస్తున్నాయి.

————————————————————