Harish Rao
Harish Rao: ఆకేరు న్యూస్, హైదరాబాద్: రాష్ట్రంలో రైతు రాజ్యం పోయి.. రాక్షస రాజ్యం వచ్చిందని మాజీ మంత్రి, బీఆర్ఎస్ సీనియర్ నేత హరీశ్రావు విమర్శించారు. కాంగ్రెస్ ప్రభుత్వంపై తీవ్ర ఆరోపణలు చేస్తూ.. రైతులకు అవసరమైన సమయంలో సాగునీరు, విద్యుత్ అందడం లేదని అన్నారు. పంటలు ఎండిపోతున్నా ప్రభుత్వం పట్టించుకోవడం లేదని మండిపడ్డారు. రైతులపై ప్రభుత్వానికి ప్రేమ లేదని హరీశ్రావు ఆరోపించారు. రైతుల పంటలను ప్రభుత్వం కొనుగోలు చేయాల్సి వస్తుందనే ఉద్దేశంతోనే సాగునీరు విడుదల చేయడం లేదని విమర్శించారు. ఉచిత విద్యుత్ ఇస్తే విద్యుత్ బిల్లులు చెల్లించాల్సి వస్తుందనే కారణంతో వ్యవసాయానికి కరెంట్ కోతలు విధిస్తున్నారని ఆరోపించారు.
* 24 గంటల నుంచి 8 గంటలకే..
బీఆర్ఎస్ ప్రభుత్వ హయాంలో వ్యవసాయానికి 24 గంటల విద్యుత్ సరఫరా చేశామని హరీశ్రావు పేర్కొన్నారు. ప్రస్తుతం వ్యవసాయానికి 7–8 గంటల విద్యుత్ మాత్రమే అందుతోందని ఆరోపించారు. ఇదే పరిస్థితి కొనసాగితే భవిష్యత్లో మూడు గంటల విద్యుత్కే పరిమితమయ్యే పరిస్థితి వస్తుందని వ్యాఖ్యానించారు. ఇటీవల మెదక్ జిల్లాలో రైతులు వ్యవసాయానికి 8 గంటల విద్యుత్ కూడా అందడం లేదంటూ సబ్స్టేషన్ వద్ద ఆందోళన చేసినట్లు పేర్కొన్నారు.
* కోమటిరెడ్డిపై ప్రశ్నలు
కేసీఆర్ ప్రభుత్వ హయాంలో ఒక్క గంట విద్యుత్ సరఫరా నిలిచినా అప్పటి ప్రతిపక్ష నేతగా ఉన్న కోమటిరెడ్డి వెంకట్రెడ్డి తీవ్రంగా స్పందించేవారని హరీశ్రావు గుర్తుచేశారు. ఇప్పుడు రాష్ట్రంలో 7–8 గంటలే విద్యుత్ ఇస్తున్నారనే ఆరోపణలు వస్తున్న నేపథ్యంలో కోమటిరెడ్డి వెంకట్రెడ్డికి ఏమైందని ప్రశ్నించారు. ప్రభుత్వం మిల్లర్లు, బ్రోకర్ల చేతిలో కీలుబొమ్మగా మారిందని హరీశ్రావు ఆరోపించారు. రైతులకు అవసరమైన సమయంలో విద్యుత్, సాగునీరు అందించడంలో ప్రభుత్వం విఫలమైందన్నారు. రైతుల సమస్యలను పరిష్కరించి పంటలను కాపాడాల్సిన బాధ్యత ప్రభుత్వంపై ఉందని అన్నారు. ఇదిలా ఉండగా, రాష్ట్రంలో వర్షపాతం లోటు, ఎల్నినో ప్రభావంతో నీటి లభ్యత, విద్యుత్ డిమాండ్పై ఒత్తిడి పెరిగిందని సీఎం రేవంత్రెడ్డి ఇటీవల పేర్కొన్నారు.
About the Author
Please tell us what is wrong. Your report will be sent to the website team.
