Srujana Case
* రవి కోసం గాలింపు
Srujana Case: అకేరు న్యూస్, హైదరాబాద్: మియాపూర్‌లో సృజన అదృశ్యం, అనంతరం ఆమె మృతికి సంబంధించిన కేసులో దర్యాప్తు కీలక దశకు చేరినట్లు సమాచారం. సృజనను రవి హత్య చేశాడని ఆమె కుటుంబ సభ్యులు పోలీసులకు ఫిర్యాదు చేసినట్లు తెలుస్తోంది.
పోలీసుల ప్రాథమిక దర్యాప్తులో భాగంగా ఈ నెల 29న రవి మియాపూర్‌లోని ఓ హోటల్‌లో గదిని బుక్ చేసుకున్నట్లు గుర్తించినట్లు సమాచారం. 30న హనుమకొండ నుంచి సృజన హైదరాబాద్‌కు వచ్చినట్లు, అనంతరం రవి వద్దకు వెళ్లినట్లు పోలీసులు గుర్తించినట్లు తెలుస్తోంది.
సృజనకు చెందిన బంగారు గొలుసు రవి వద్ద ఉన్నట్లు కుటుంబ సభ్యులు చెబుతున్నారు. ఆ గొలుసును తిరిగి ఇస్తానని చెప్పి సృజనను హైదరాబాద్‌కు రప్పించినట్లు వారు పోలీసులకు ఫిర్యాదు చేసినట్లు సమాచారం.
ఈ నేపథ్యంలో రవి పాత్రపై పోలీసులు ప్రత్యేకంగా దృష్టి సారించినట్లు తెలుస్తోంది. ప్రస్తుతం అతని ఆచూకీ కోసం గాలింపు చేపట్టినట్లు సమాచారం. హోటల్ పరిసరాల్లోని సీసీ కెమెరాల ఫుటేజీతో పాటు రవి, సృజన ఫోన్ కాల్స్‌, ఇతర సాంకేతిక ఆధారాలను పోలీసులు పరిశీలిస్తున్నట్లు తెలుస్తోంది.
సృజన మృతికి దారితీసిన పరిస్థితులు, రవి పాత్రపై దర్యాప్తు పూర్తయిన తర్వాతే పూర్తి వివరాలు వెల్లడయ్యే అవకాశం ఉంది. ప్రస్తుతం కేసులోని ఆరోపణలు, అనుమానాలపై పోలీసుల దర్యాప్తు కొనసాగుతోంది.
About the Author
Please tell us what is wrong. Your report will be sent to the website team.
