Tatikonda Rajaiah
* నాసిరకం బొగ్గుతో విద్యుత్‌కు ఆటంకం
* తెలంగాణ విద్యుత్ రంగంపై కుట్ర: రాజయ్య
ఆకేరు న్యూస్, స్టేషన్ ఘన్‌పూర్: కాంగ్రెస్ ప్రభుత్వం అధికారంలోకి వచ్చిన తర్వాత రాష్ట్రంలో కరువు పరిస్థితులు నెలకొన్నాయని మాజీ ఎమ్మెల్యే డాక్టర్ తాటికొండ రాజయ్య విమర్శించారు. రైతులకు నిరంతర విద్యుత్, సాగునీరు అందించడంలో ప్రభుత్వం విఫలమైతే పెద్ద ఎత్తున ఆందోళనలు చేపడతామని హెచ్చరించారు. జనగామ జిల్లా స్టేషన్ ఘన్‌పూర్ నియోజకవర్గ కేంద్రంలో గురువారం నిర్వహించిన మీడియా సమావేశంలో ఆయన మాట్లాడారు.
నాసిరకం బొగ్గుతో విద్యుత్ ఉత్పత్తికి ఆటంకం
సింగరేణి నుంచి లభించే నాణ్యమైన బొగ్గును ఇతర రాష్ట్రాలకు అధిక ధరలకు విక్రయిస్తూ, నాణ్యత తక్కువగా ఉన్న బొగ్గును తెలంగాణలోని విద్యుత్ ప్లాంట్లకు సరఫరా చేస్తున్నారని రాజయ్య ఆరోపించారు. దీనివల్ల విద్యుత్ ఉత్పత్తిపై ప్రభావం పడటంతో పాటు ప్లాంట్లలోని యంత్రాలు తరచూ మరమ్మతులకు గురవుతున్నాయని పేర్కొన్నారు.
తెలంగాణ విద్యుత్ రంగంపై కుట్ర
తెలంగాణ విద్యుత్ రంగాన్ని దెబ్బతీసే ప్రయత్నాలు జరుగుతున్నాయని రాజయ్య ఆరోపించారు. గత బీఆర్ఎస్ ప్రభుత్వ హయాంలో 24 గంటల విద్యుత్ సరఫరా అందించామని, ప్రస్తుతం ఆ పరిస్థితిని దెబ్బతీసే ప్రయత్నం జరుగుతోందని విమర్శించారు. విద్యుత్ ఉత్పత్తికి అవసరమైన నాణ్యమైన బొగ్గును సరఫరా చేసే విషయంలో సంబంధిత ప్రభుత్వాలు తక్షణమే స్పందించాలని డిమాండ్ చేశారు.
రైతులకు కరెంటు, సాగునీరు అందించాలి
రాష్ట్ర ప్రభుత్వం రైతుల సమస్యలను దృష్టిలో ఉంచుకుని విద్యుత్ సరఫరా, సాగునీటి లభ్యతపై ప్రత్యేక దృష్టి సారించాలని రాజయ్య కోరారు. తెలంగాణలోని విద్యుత్ ప్లాంట్లకు నాణ్యమైన బొగ్గు సరఫరా జరిగేలా చర్యలు తీసుకోవాలని డిమాండ్ చేశారు. రైతులకు అవసరమైన విద్యుత్, సాగునీరు అందించకపోతే పెద్ద ఎత్తున ఆందోళనలు చేపడతామని హెచ్చరించారు.
ఈ సమావేశంలో మాచర్ల గణేష్, ఇనుగాల నరసింహారెడ్డి, గుండె రంజిత్, శ్యామ్, గట్టు సాయికృష్ణ, ఒగ్గు రాజు, సంపత్ రెడ్డి, జిట్టగూడెం సర్పంచ్ బాలు, జైపాల్, అఖిల్, తాటికొండ సురేష్ తదితరులు పాల్గొన్నారు.
About the Author
Please tell us what is wrong. Your report will be sent to the website team.
