సాంకేతిక లోపంతో జన్మభూమి ఎక్స్ ప్రెస్ లో తెగిన ఏసీ బోగీల లింక్
* సాంకేతిక లోపంతో నిలిచిన జన్మభూమి ఎక్స్ ప్రెస్
* మూడు గంటలు ఆలస్యంగా ప్ర‌యాణం
ఆకేరు న్యూస్‌, విశాఖ‌ప‌ట్ట‌ణం : రైలు బ‌య‌లుదేరిన 2 నిమిషాలకే బోగీల లింక్ తెగిపోయింది. ఇంజ‌న్ అలాగే ముందుకు వెళ్లిపోయింది. వెంటనే అప్రమత్తమైన సిబ్బంది రైలును వెన‌క్కి తీసుకొచ్చారు. ఈ ఘ‌ట‌న విశాఖ‌ప‌ట్ట‌ణం రైల్వేస్టేష‌న్‌లో జ‌రిగింది. విశాఖపట్నం నుంచి లింగంపల్లికి బయల్దేరిన జన్మభూమి సూపర్‌ఫాస్ట్‌ ఎక్స్‌ప్రెస్‌ సాంకేతిక లోపంతో నిలిచిపోయింది. ఉదయం 6.20 గంటలకు విశాఖ నుంచి బయల్దేరిన 2 నిమిషాలకే ఏసీ బోగీ లింక్ తెగింది. దీంతో వెంటనే అప్రమత్తమైన సిబ్బంది.. రైలను విశాఖ స్టేషన్‌కు తీసుకువచ్చారు. సాంకేతిక సమస్యతో 2 బోగీలు రైలు నుంచి విడిపోయాయని అధికారులు తెలిపారు. బోగీల లింక్‌ను సరిచేసిన అనంతరం 9.30 గంటలకు రైలు అక్కడి నుంచి బయల్దేరింది. ప్రస్తుతం జన్మభూమి రైలు 3 గంటలు ఆలస్యంగా నడుస్తున్నది.
—————————-
