శ్రీశైలం - హైదరాబాద్, హరియాణాలోని అంబాలా జిల్లాలోని రహదారులపై ప్రమాదం
* హ‌రియాణ‌లో మరో ప్రమాదం.. ఏడుగురి మృతి
ఆకేరున్యూస్‌, హైదరాబాద్ : హైదరాబాద్ శివార్ల‌లో ఘోర ప్రమాదం జరిగింది. ఆర్టీసీ బస్సు – కారు ఢీకొట్టిన ఘ‌ట‌నలో ముగ్గురు మృతి చెందారు. పోలీసుల క‌థ‌నం ప్రకారం.. కల్వకుర్తి నుంచి హైదరాబాద్ కు ముగ్గురు కారులో వస్తున్నారు. అలాగే, అదే సమయంలో ఆర్టీసీ బస్సు హైదరాబాద్ నుంచి శ్రీశైలం వెళ్తోంది. కారు, బస్సు ఎదురెదురుగా వేగంగా ఢీకొట్టడంతో కారు నుజ్జునుజ్జయింది. కారులోని వారు మృతి చెందారు. అందులోనే ఇరుక్కుపోయిన మృతదేహాలను పోలీసులు బయటకు తీశారు. మృతి చెందినవారందరూ హైదరాబాద్ కు చెందిన వారని పోలీసులు గుర్తించారు. రంగారెడ్డి జిల్లా ఆమనగల్ మండలం అయ్య సాగర్ సమీపంలో ఈ ఘోరరోడ్డు ప్రమాదం జరిగి ముగ్గురు ప్రాణాలు కోల్పోయారు. పోలీసులు మృతుల వివ‌రాలు సేక‌రిస్తున్నారు.
హరియాణాలో మరో ప్రమాదం..
హరియాణాలోని అంబాలా జిల్లాలోని జాతీయ రహదారిపై శుక్రవారం మినీ బస్సు ప్రమాదానికి గురైంది. దీంతో ఒకే కుటుంబానికి చెందిన ఏడుగురు మృతి చెందారు. మరో 20 మందికి గాయాలయ్యాయి. వారంతా మాతా వైష్ణో దేవి పుణ్యక్షేత్రానికి వెళ్తున్న సమయంలో ఈ ఘటన చోటుచేసుకుంది. అంబాలా కాంట్ సివిల్ హాస్పిటల్ మెడికల్ ఆఫీసర్ డాక్టర్ కౌశల్ కుమార్ తెలిపిన వివరాల ప్రకారం.. అంబాలా-ఢిల్లీ-జమ్మూ జాతీయ రహదారిపై ఇవాళ తెల్లవారుజామున ఈ ప్రమాదం జరిగింది.
———-
