*ప్రధాన నిందితుడితో పాటు మరో మైనర్ అరెస్ట్!
ఆకేరు న్యూస్, హైదరాబాద్: నగర శివార్లలోని నార్సింగి పోలీస్ స్టేషన్ పరిధిలో తీవ్ర కలకలం రేపిన బాలికపై అత్యాచారం కేసులో పోలీసులు దర్యాప్తును వేగవంతం చేశారు. ఈ అమానుష ఘటనపై సమాచారం అందిన వెంటనే స్పందించిన పోలీసులు, నిందితులపై కఠిన చర్యలు చేపట్టారు. పోలీసుల కథనం ప్రకారం, ఈ కేసులో ప్రధాన నిందితుడైన ఇమ్రాన్ ఖాన్ను ఇప్పటికే అదుపులోకి తీసుకున్నారు. అతడిని కోర్టులో హాజరుపరచగా, న్యాయస్థానం రిమాండ్ విధించింది. దీంతో నిందితుడిని జైలుకు తరలించారు. ఈ కేసులో ప్రధాన నిందితుడితో పాటు మరో ఇద్దరు మైనర్లు కూడా పాలుపంచుకున్నట్లు ప్రాథమిక విచారణలో తేలింది. అదుపులోకి తీసుకున్న ఒక మైనర్ బాలుడిని చట్టపరమైన నిబంధనల ప్రకారం జువెనైల్ హోమ్కు తరలించారు. పరారీలో ఉన్న మరో మైనర్ నిందితుడి కోసం పోలీసులు ప్రత్యేక బృందాలను రంగంలోకి దించారు. ప్రస్తుతం పోలీసులు నిందితుడిపై వివిధ సెక్షన్ల కింద కేసు నమోదు చేసి, లోతైన విచారణ జరుపుతున్నారు. పరారీలో ఉన్న వ్యక్తిని త్వరలోనే పట్టుకుంటామని పోలీసులు ధీమా వ్యక్తం చేశారు. బాధితురాలికి న్యాయం చేసే దిశగా పోలీసులు విచారణను వేగవంతం చేయడం స్థానికంగా చర్చనీయాంశమైంది.
About the Author
Please tell us what is wrong. Your report will be sent to the website team.
