PEDDI OTT RELEASE | ఓటీటీలో రామ్ చరణ్ మాస్ బ్లాక్‌బస్టర్ ‘పెద్ది’

Published: 04 Jul 2026 • 03:01 PM

* జూలై 9 నుంచి నెట్‌ఫ్లిక్స్‌లో పెద్ది స్ట్రీమింగ్

ఆకేరు న్యూస్, డెస్క్: గ్లోబల్ స్టార్ రామ్ చరణ్ అభిమానులు ఎంతగానో ఎదురుచూస్తున్న అప్డేట్ వచ్చేసింది. బాక్సాఫీస్ వద్ద సంచలన విజయం సాధించిన ‘పెద్ది’ (Peddi) సినిమా ఇప్పుడు ఓటీటీలోకి అడుగుపెడుతోంది. ప్రముఖ ఓటీటీ వేదిక నెట్‌ఫ్లిక్స్ (Netflix) ఈ చిత్ర స్ట్రీమింగ్ తేదీని అధికారికంగా ప్రకటించింది.

* ఎప్పటి నుంచి స్ట్రీమింగ్?

జూలై 9, 2026 నుంచి ‘పెద్ది’ నెట్‌ఫ్లిక్స్‌లో స్ట్రీమింగ్ కానుంది. తెలుగు, తమిళం, కన్నడ, మలయాళ భాషల్లో ఒకేసారి విడుదల చేయనున్నారు. హిందీ వెర్షన్‌ను మాత్రం కాస్త ఆలస్యంగా విడుదల చేసే అవకాశం ఉన్నట్లు సమాచారం.

* బాక్సాఫీస్ వద్ద సంచలనం..

జూన్ 4న థియేటర్లలో విడుదలైన ‘పెద్ది’ మొదటి షో నుంచే పాజిటివ్ టాక్ సొంతం చేసుకుంది.

గ్రామీణ నేపథ్యంలో సాగే ఎమోషనల్ స్పోర్ట్స్ డ్రామాగా తెరకెక్కిన ఈ చిత్రం.. మాస్, ఎమోషన్, యాక్షన్ అంశాలతో ప్రేక్షకులను ఆకట్టుకుని రూ.400 కోట్లకు పైగా గ్రాస్ వసూళ్లు సాధించి ఇండస్ట్రీ బ్లాక్‌బస్టర్‌గా నిలిచింది.

* రామ్ చరణ్ కొత్త అవతార్

ఈ చిత్రంలో రామ్ చరణ్ పూర్తిగా కొత్త లుక్‌లో కనిపించారు. పల్లెటూరి యువకుడిగా, ఆత్మగౌరవం కోసం పోరాడే ‘పెద్ది’ పాత్రలో చరణ్ చూపించిన నటన అభిమానులను విశేషంగా ఆకట్టుకుంది. మాస్ యాక్షన్ సన్నివేశాలు, భావోద్వేగ క్షణాలు, గ్రామీణ నేపథ్యాన్ని దర్శకుడు బుచ్చిబాబు సన అద్భుతంగా తెరపై ఆవిష్కరించారు.

* స్టార్ కాస్ట్ ఆకర్షణ

‘పెద్ది’లో రామ్ చరణ్ సరసన జాన్వీ కపూర్ కథానాయికగా నటించగా, జగపతిబాబు పవర్‌ఫుల్ పాత్రలో కనిపించారు. అలాగే శివరాజ్ కుమార్, దివ్యేందు శర్మ కీలక పాత్రలు పోషించారు. భారీ నిర్మాణ విలువలు, విజువల్ ట్రీట్, ఎమోషనల్ కథనం సినిమాకు మరింత బలం చేకూర్చాయి.

* ఓటీటీలోనూ అదే ర్యాంపేజ్?

థియేటర్లలో రికార్డులు సృష్టించిన ‘పెద్ది’ ఇప్పుడు డిజిటల్ ప్లాట్‌ఫామ్‌పై ఎలాంటి స్పందన అందుకుంటుందన్న ఆసక్తి నెలకొంది.

థియేటర్లలో చూడలేకపోయిన ప్రేక్షకులతో పాటు మరోసారి ఈ సినిమాను ఆస్వాదించాలనుకునే మెగా అభిమానులకు జూలై 9 నుంచి నెట్‌ఫ్లిక్స్‌లో ‘పెద్ది’ అందుబాటులోకి రానుంది.
ALSO READ :