COMMITTEE KURROLLU | జాతీయ అవార్డు కొట్టిన "కమిటీ కుర్రోళ్లు"

Published: 18 Jul 2026 • 07:17 PM Updated: 18 Jul 2026 • 07:19 PM

* జాతీయ అవార్డుల పూర్తి విజేతలు

ఆకేరు న్యూస్, డెస్క్: భారత చలనచిత్ర రంగంలో అత్యున్నత పురస్కారాలుగా భావించే జాతీయ చలనచిత్ర అవార్డుల (National Film Awards) హంగామా మొదలైంది. 2024వ సంవత్సరంలో సెన్సార్ పూర్తి చేసుకుని, దేశవ్యాప్తంగా విడుదలైన చిత్రాలకు గానూ 72వ జాతీయ చలనచిత్ర అవార్డులను కేంద్ర సమాచార ప్రసార మంత్రిత్వ శాఖ దిల్లీ వేదికగా అధికారికంగా ప్రకటించింది.

ఈ ఏడాది ప్రాంతీయ చిత్రాల విభాగంలో తెలుగు సినిమా తన ప్రత్యేకతను చాటుకుంది. మెగా డాటర్ నిహారిక కొణిదెల నిర్మాణంలో, యదు వంశీ దర్శకత్వంలో తెరకెక్కిన వైవిధ్యభరిత చిత్రం ‘కమిటీ కుర్రోళ్లు’ (Committee Kurrollu) ఉత్తమ తెలుగు చిత్రంగా జాతీయ పురస్కారాన్ని కైవసం చేసుకుని సంచలనం సృష్టించింది. గ్రామీణ నేపథ్యం, స్నేహం, భావోద్వేగాల కలబోతగా వచ్చిన ఈ చిన్న చిత్రం జాతీయ స్థాయిలో జ్యూరీ ప్రశంసలు అందుకోవడం విశేషం.

* ప్రాంతీయ చిత్రాల విభాగంలో విజేతలు..

దక్షిణాదితో పాటు బాలీవుడ్‌లోనూ వైవిధ్యమైన చిత్రాలు ఈసారి జాతీయ అవార్డులను సొంతం చేసుకున్నాయి. ప్రధాన ప్రాంతీయ చిత్రాల వివరాలు ఇలా ఉన్నాయి.
ఉత్తమ తెలుగు చిత్రం: కమిటీ కుర్రోళ్లు
ఉత్తమ తమిళ చిత్రం: రాయన్ (ధనుష్ స్వీయ దర్శకత్వంలో నటించిన చిత్రం)
ఉత్తమ హిందీ చిత్రం: శ్రీకాంత్ (రాజ్‌కుమార్ రావు ప్రధాన పాత్ర పోషించిన బయోపిక్)
ఉత్తమ కన్నడ చిత్రం: మిథ్య
నాన్-ఫీచర్ ఫిల్మ్ కేటగిరీ (Non-Feature Film)

* విజేతలు..
సినిమాలతో పాటు డాక్యుమెంటరీలు, లఘు చిత్రాల విభాగంలోనూ ప్రతిభావంతులకు అవార్డులు దక్కాయి.
బెస్ట్ ఫిల్మ్ క్రిటిక్ (ఉత్తమ సినీ విమర్శకుడు): సంజీవ్ శ్రీవాస్తవ (హిందీ)
బెస్ట్ సినిమాటోగ్రఫీ: లైవ్ ఇన్ లూమ్ (Live in Loom)
బెస్ట్ స్క్రిప్ట్: ఓబుర్ (Oobur)
బెస్ట్ డైరెక్షన్ (ఉత్తమ దర్శకత్వం): ఆనంద్రాయ్ (స్టాట్యూ ఆఫ్ యూనిటీ)
బెస్ట్ డాక్యుమెంటరీ: రామ్ నమీ (Ram Namee)
2024 ఏడాదికి గానూ ప్రకటించిన ఈ అవార్డులలో కంటెంట్ ప్రాధాన్యత ఉన్న చిత్రాలకే జ్యూరీ మొగ్గు చూపినట్లు స్పష్టమవుతోంది. ముఖ్యంగా వైవిధ్యమైన కథాంశాలతో ప్రేక్షకుల ముందుకు వచ్చిన చిత్రాలకు జాతీయ స్థాయిలో గుర్తింపు దక్కడం పట్ల సినీ ప్రముఖులు హర్షం వ్యక్తం చేస్తున్నారు. మరికొన్ని ప్రధాన విభాగాల పూర్తి వివరాలు తెలియాల్సి ఉంది.