CM Revanth Reddy | కోదాడ రోడ్డు ప్రమాదంపై సీఎం తీవ్ర దిగ్భ్రాంతి..

aakerutelugunews August 26, 2026

CM Revanth Reddy Reacts on Kodad bus accident

Published: 26 Aug 2026 • 11:01 AM

* అధికారులకు కీలక ఆదేశాలు

ఆకేరు న్యూస్, హైదరాబాద్: కోదాడ సమీపంలో జరిగిన ఘోర బస్సు ప్రమాదంపై తెలంగాణ ముఖ్యమంత్రి రేవంత్ రెడ్డి తీవ్ర దిగ్భ్రాంతి వ్యక్తం చేశారు. ప్రమాదం జరిగిన తీరు, దానికిగల కారణాలను అధికారులను అడిగి తెలుసుకున్నారు.

ఈ దుర్ఘటనలో ప్రాణాలు కోల్పోయిన బాధితుల కుటుంబాలకు సీఎం రేవంత్ రెడ్డి తన ప్రగాఢ సానుభూతిని తెలిపారు. మృతుల కుటుంబాలను ప్రభుత్వం అన్ని విధాలా ఆదుకుంటుందని హామీ ఇచ్చారు.

ఇక ఈ ప్రమాదంలో గాయపడిన వారికి తక్షణమే మెరుగైన వైద్య సహాయం అందించాలని సంబంధిత అధికారులను, వైద్య సిబ్బందిని ఆదేశించారు. బాధితులకు ఎలాంటి లోటు రాకుండా అవసరమైన అన్ని సహాయక చర్యలు చేపట్టాలని స్థానిక యంత్రాంగాన్ని ఆదేశించారు.