SBI Charges | స్టేట్ బ్యాంక్ ఆఫ్ ఇండియా ఖాతాదారులకు అలర్ట్..

Published: 26 Aug 2026 • 01:16 PM

* అక్టోబర్ 1 నుంచి కొత్త ఛార్జీలు!  

ఆకేరు న్యూస్, డెస్క్ :

స్టేట్ బ్యాంక్ ఆఫ్ ఇండియా (SBI) ఖాతాదారులకు ముఖ్యమైన అప్‌డేట్. బేసిక్ సేవింగ్స్ బ్యాంక్ డిపాజిట్ (BSBD) ఖాతాల నుంచి నగదు విత్‌డ్రా చేసే విషయంలో కొత్త ఛార్జీలు అమల్లోకి రానున్నాయి. ఈ మార్పులు అక్టోబర్ 1, 2026 నుంచి వర్తిస్తాయి.

* నెలకు 4 నగదు విత్‌డ్రాలు ఉచితం 

SBI BSBD ఖాతాదారులు ఒక నెలలో నాలుగు నగదు విత్‌డ్రాలు ఉచితంగా చేసుకోవచ్చు. నాలుగు విత్‌డ్రాల తర్వాత చేసే ప్రతి అదనపు నగదు విత్‌డ్రాపై రూ.15 + GST సర్వీస్ ఛార్జీ చెల్లించాల్సి ఉంటుంది.
ఈ విత్‌డ్రాల లెక్కలో SBI ఏటీఎంలు, ఇతర బ్యాంకుల ఏటీఎంలు, బ్రాంచ్ ద్వారా చేసే నగదు విత్‌డ్రాలు, AEPS లావాదేవీలుకూడా పరిగణనలోకి వస్తాయి.

* డిజిటల్ లావాదేవీలకు ఛార్జీలు లేవు 

నగదు విత్‌డ్రాలపై ఈ ఛార్జీలు ఉన్నప్పటికీ, డిజిటల్ లావాదేవీలపై ఎలాంటి పరిమితి లేదా కొత్త ఛార్జీ లేదని SBI స్పష్టం చేసింది. NEFT, RTGS వంటి ఎలక్ట్రానిక్ మార్గాల ద్వారా డబ్బులు పొందడం లేదా ఖాతాలో జమ చేయడంపై కూడా ఛార్జీ ఉండదు.

* BSBD ఖాతా అంటే ఏమిటి? 

బేసిక్ సేవింగ్స్ బ్యాంక్ డిపాజిట్ ఖాతా ప్రాథమిక బ్యాంకింగ్ అవసరాల కోసం అందించే సేవింగ్స్ అకౌంట్. ఇందులో కనీస బ్యాలెన్స్ నిర్వహించాల్సిన అవసరం లేదు. చెల్లుబాటు అయ్యే KYC పత్రాలు ఉన్న వ్యక్తులు ఈ ఖాతాను తెరవవచ్చు. ఖాతాదారులకు బేసిక్ RuPay ATM-cum-Debit Card ఉచితంగా అందిస్తారు. దీనికి వార్షిక మెయింటెనెన్స్ ఛార్జీ కూడా ఉండదు. పనిచేయని ఖాతాను తిరిగి యాక్టివేట్ చేయడానికి, ఖాతాను మూసివేయడానికి కూడా ఛార్జీలు లేవు.

* ఇతర ముఖ్యమైన నిబంధనలు 

BSBD ఖాతా ఉన్న వ్యక్తి మరో సాధారణ సేవింగ్స్ బ్యాంక్ ఖాతాను కలిగి ఉండకూడదు. ఇప్పటికే మరో సేవింగ్స్ ఖాతా ఉంటే, BSBD ఖాతా తెరిచిన 30 రోజుల్లో దాన్ని మూసివేయాల్సి ఉంటుంది. అలాగే ప్రభుత్వాలు జారీ చేసిన చెక్కులను డిపాజిట్ చేయడం లేదా కలెక్ట్ చేయడంపై ఛార్జీలు ఉండవు.

అక్టోబర్ 1, 2026 నుంచి BSBD ఖాతాలో నెలకు 4 నగదు విత్‌డ్రాలు ఉచితం. ఆ తర్వాత ప్రతి విత్‌డ్రాకు రూ.15 + GST ఛార్జీ.అయితే డిజిటల్ లావాదేవీలు ఉచితంగానే కొనసాగుతాయి.