Nepal Heavy Rain and Floods
* త్రిశూలీ నదిలో ఉధృత ప్రవాహం
అకేరు న్యూస్ నేపాల్ : నేపాల్లో కురుస్తున్న భారీ వర్షాలు జనజీవనాన్ని అతలాకుతలం చేస్తున్నాయి. ఎడతెరిపి లేకుండా కురుస్తున్న వర్షాలతో పలు నదులు ప్రమాదకర స్థాయిలో ప్రవహిస్తున్నాయి. ముఖ్యంగా త్రిశూలీ నదిలో నీటిమట్టం భారీగా పెరగడంతో పరిసర ప్రాంతాల ప్రజలు తీవ్ర ఆందోళనకు గురవుతున్నారు.
గండకీ బ్యారేజీ వద్ద సుమారు లక్ష క్యూసెక్కుల మేర వరద నీరు ప్రవహిస్తున్నట్లు సమాచారం.
నదీ పరివాహక ప్రాంతాల్లో పరిస్థితిని అధికారులు నిశితంగా పరిశీలిస్తున్నారు. భారీ వర్షాలు, ప్రతికూల వాతావరణ పరిస్థితుల కారణంగా కొన్ని ప్రాంతాల్లో రెస్క్యూ ఆపరేషన్లకు అంతరాయం ఏర్పడింది.
వరద ప్రభావిత ప్రాంతాల్లో సహాయక చర్యల కోసం 15 వేల మందికిపైగా భద్రతా సిబ్బందిని మోహరించారు. రెస్క్యూ బృందాలు ఇప్పటివరకు సుమారు 4,400 మందిని సురక్షిత ప్రాంతాలకు తరలించినట్లు అధికారులు వెల్లడించారు.
వాతావరణ పరిస్థితులు అనుకూలించిన వెంటనే సహాయక చర్యలను మరింత వేగవంతం చేయాలని అధికారులు భావిస్తున్నారు. ప్రజలు అప్రమత్తంగా ఉండాలని, నదులు మరియు వరద ప్రవాహాలు ఉన్న ప్రాంతాలకు వెళ్లవద్దని హెచ్చరికలు జారీ చేశారు.
About the Author
Please tell us what is wrong. Your report will be sent to the website team.
