Machilipatnam
* భర్త ఇంటి ఎదుట యువతి నిరసన
Machilipatnam: ఆకేరు న్యూస్, మచిలీపట్నం: ప్రేమించి పెళ్లి చేసుకున్న తనను భర్త ఇంటికి తీసుకెళ్లకుండా దూరంగా ఉంటున్నాడని ఆరోపిస్తూ ఓ యువతి భర్త ఇంటి ఎదుట నిరసనకు దిగింది. తనకు న్యాయం చేయాలని కోరుతూ జయలక్ష్మి ఆందోళన చేపట్టింది.
దుర్గగుడిలో పెళ్లి
జయలక్ష్మి తెలిపిన వివరాల ప్రకారం.. పెంకు ఫణి కుమార్తో తనకు పరిచయం ఏర్పడి, అది ప్రేమగా మారిందని పేర్కొంది. ఆగస్టు 30న విజయవాడలోని శ్రీ దుర్గామల్లేశ్వర స్వామివారి ఆలయంలో ఇద్దరూ వివాహం చేసుకున్నట్లు తెలిపింది. కుటుంబ సభ్యులకు తెలియకుండా రహస్యంగా పెళ్లి చేసుకున్నామని చెప్పింది.
అత్తింటికి తీసుకెళ్లలేదని ఆరోపణ
వివాహం అనంతరం భర్త తనను అత్తింటికి తీసుకెళ్లకుండా దూరంగా ఉంటున్నాడని జయలక్ష్మి ఆరోపించింది. భర్త, అత్తింటి వారిని కలిసి మాట్లాడేందుకు వెళ్లినప్పుడు తనను దూషించడంతో పాటు దాడి చేశారని ఆరోపించింది. భర్తతో కలిసి కాపురం చేయాలని, తనకు భార్యగా గౌరవం, హక్కులు కల్పించాలని కోరుతూ ఇంటి ఎదుట నిరసన చేపట్టింది. తన వద్ద వివాహానికి సంబంధించిన ఆధారాలు ఉన్నాయని, న్యాయం జరిగే వరకు ఆందోళన కొనసాగిస్తానని తెలిపింది.
నేతలకు విజ్ఞప్తి
తన సమస్య పరిష్కారానికి ప్రజాప్రతినిధులు, రాజకీయ నాయకులు జోక్యం చేసుకోవాలని జయలక్ష్మి కోరింది. జనసేన అధినేత పవన్ కల్యాణ్, మాజీ మంత్రి కొల్లు రవీంద్ర తనకు న్యాయం జరిగేలా చొరవ తీసుకోవాలని విజ్ఞప్తి చేసింది. ఈ ఘటనకు సంబంధించి యువతి చేసిన ఆరోపణలు మాత్రమే ప్రస్తుతం అందుబాటులో ఉన్నాయి. భర్త, అత్తింటి వారి వివరణ తెలియాల్సి ఉంది.
About the Author
Please tell us what is wrong. Your report will be sent to the website team.
