సుడిగాలి సుధీర్‌
* సుడిగాలి సుధీర్‌ సినిమాకు దుల్కర్‌ సల్మాన్‌ సపోర్ట్‌
* నవంబర్‌ 12న థియేటర్లలోకి
ఆకేరు న్యూస్, సినిమా: ప్రముఖ హాస్య కథానాయకుడు సుడిగాలి సుధీర్‌ హీరోగా నటిస్తున్న తాజా చిత్రం ‘G.O.A.T’ (Greatest Of All Times) ట్రైలర్‌ విడుదలైంది. ప్రముఖ హీరో దుల్కర్‌ సల్మాన్‌ తన సోషల్‌ మీడియా వేదికగా థియేట్రికల్‌ ట్రైలర్‌ను విడుదల చేసి చిత్ర బృందానికి శుభాకాంక్షలు తెలిపారు. ఈ చిత్రంలో దివ్యభారతి హీరోయిన్‌గా నటిస్తున్నారు. వేదవ్యాస్‌ దర్శకత్వం వహిస్తున్నారు.
మహాతేజ క్రియేషన్స్‌, జైష్ణవ్‌ ప్రొడక్షన్స్‌ సంయుక్తంగా నిర్మిస్తున్న ఈ సినిమాను ఏషియన్‌ సినిమాస్‌ సమర్పిస్తోంది. చంద్రశేఖర్‌ రెడ్డి మొగుళ్ల నిర్మాతగా వ్యవహరిస్తున్నారు. నవంబర్‌ 12న ఈ చిత్రం ప్రేక్షకుల ముందుకు రానుంది. ఇప్పటికే విడుదలైన పాటలు, ప్రచార చిత్రాలకు మంచి స్పందన లభించడంతో సినిమాపై అంచనాలు పెరిగాయి.
సుధీర్‌ కెరీర్‌లో ప్రత్యేక చిత్రం
ఈ సందర్భంగా నిర్మాత మాట్లాడుతూ.. సుడిగాలి సుధీర్‌ కెరీర్‌లోనే అత్యంత భారీ బడ్జెట్‌తో ఈ చిత్రాన్ని నిర్మించినట్లు తెలిపారు. ఆయన క్రేజ్‌కు తగిన కథను ఎంచుకున్నామని, సినిమాలోని పాత్ర నేటి యువతకు బాగా కనెక్ట్‌ అవుతుందని పేర్కొన్నారు. సాంకేతికంగా ఉన్నత ప్రమాణాలతో, పూర్తి కమర్షియల్‌ అంశాలతో సినిమాను తెరకెక్కించామని చెప్పారు. వినోదంతో పాటు యువత ఆలోచించేలా చేసే మంచి సందేశం కూడా ఇందులో ఉంటుందని, ఈ చిత్రం సుధీర్‌ కెరీర్‌లో మైలురాయిగా నిలుస్తుందనే నమ్మకం ఉందన్నారు.
భారీ తారాగణం.. ప్రముఖ సాంకేతిక బృందం
ఈ చిత్రంలో సుడిగాలి సుధీర్‌, దివ్యభారతితో పాటు సర్వధమన్‌ బెనర్జీ, నితిన్‌ ప్రసన్న, బ్రహ్మాజీ, పృథ్వీ, ఆడుకాలం నరేష్‌, రాజేంద్రన్‌, ఆనంద్‌ రామరాజ్‌, చమ్మక్‌ చంద్ర, పమ్మీ సాయి, నవీన్‌ నేని తదితరులు నటిస్తున్నారు.
లియోన్‌ జేమ్స్‌ సంగీతం అందించగా, మణిశర్మ నేపథ్య సంగీతం సమకూరుస్తున్నారు. రసూల్‌ ఎల్లోర్‌ సినిమాటోగ్రఫీ, సన్నీ కూరపాటి అదనపు సినిమాటోగ్రఫీ బాధ్యతలు నిర్వహిస్తున్నారు. విజయ్‌ ముక్తవరపు ఎడిటర్‌గా, రాజీవ్‌ నాయర్‌ ప్రొడక్షన్‌ డిజైనర్‌గా పనిచేస్తున్నారు. సమైరా రెడ్డి.ఎన్‌ సహ నిర్మాతగా, ప్రసూన మండవ క్రియేటివ్‌ ప్రొడ్యూసర్‌గా వ్యవహరిస్తున్నారు.
దుల్కర్‌ సల్మాన్‌ వంటి ప్రముఖ హీరో ట్రైలర్‌ను విడుదల చేయడంతో ‘గోట్’ సినిమాపై ప్రేక్షకుల్లో మరింత ఆసక్తి నెలకొంది.
About the Author
Please tell us what is wrong. Your report will be sent to the website team.
