Gadchiroli Tigers | రోడ్డుపై దర్జాగా పులుల నడక..!

Published: 07 Nov 2026 • 08:35 AM

* వాహనదారుల కెమెరాకు చిక్కిన అరుదైన దృశ్యం

ఆకేరు న్యూస్, మహారాష్ట్ర : మహారాష్ట్రలోని గడ్చిరోలి జిల్లాలో ఓ అరుదైన దృశ్యం స్థానిక వాహనదారులను ఆశ్చర్యానికి గురిచేసింది. నిత్యం వాహనాల రాకపోకలతో బిజీగా ఉండే రహదారిపై పులులు ఎంతో దర్జాగా, ప్రశాంతంగా రోడ్డు దాటాయి.

* వైరల్‌గా మారిన వీడియోలు..

అటుగా వెళ్తున్న వాహనదారులు ఈ దృశ్యాన్ని చూసి తమ వాహనాలను వెంటనే నిలిపివేశారు. పులులు రోడ్డు దాటుతుండగా కొంతమంది తమ సెల్‌ఫోన్లలో వీడియోలు తీశారు. ప్రస్తుతం ఈ దృశ్యాలు సామాజిక మాధ్యమాల్లో వైరల్‌గా మారాయి.

* వాహనదారులు అప్రమత్తంగా ఉండాలి..

అడవులకు సమీపంలో ఉండే రహదారులపై ప్రయాణించేటప్పుడు అటవీ జంతువులకు ఎలాంటి ఆటంకం కలిగించకుండా, వాహనదారులు జాగ్రత్తగా వెళ్లాలని అటవీ శాఖ అధికారులు సూచిస్తున్నారు.