* యూరియా కొర‌త‌పై మాజీ మంత్రి కేటీఆర్
ఆకేరు న్యూస్‌, హైద‌రాబాద్ : తెలంగాణలో యూరియా కొర‌త వేధిస్తోంది. స‌రిప‌డా యూరియా అందుబాటులో లేక‌పోవ‌డంపై కేంద్ర, రాష్ట్ర ప్ర‌భుత్వాల‌పై విమ‌ర్శ‌లు వ్య‌క్తం అవుతున్నాయి. ఈక్ర‌మంలోనే బీఆర్ ఎస్ వ‌ర్కింగ్ ప్రెసిడెంట్ కేటీఆర్ (KTR) రేవంత్ స‌ర్కారుపై విమ‌ర్శ‌లు గుప్పించారు. పదేళ్లలో ఎన్నడన్నా చూసినమా ఇంతటి ధైన్యం అంటూ ఎక్స్ లో పోస్టు చేశారు. ఓ చోట చెప్పులు లైన్లో పెడితే మరోచోట ఆధార్ కార్డులు ఇంకో చోట పట్టాదార్ పాస్‌బుక్కులు ఉంచుతున్నారని.. ఎండలేదు, వాన లేదు, తెలంగాణలో ఏ మూలకు పోయినా ఇవే దృశ్యాలు కనిపిస్తున్నాయని తెలిపారు. కోడికూయక ముందే రైతన్న ఎరువుల దుకాణం ముందు క్యూ కడుతున్నాడని తెలిపారు. ఒక్క బస్తా కోసం పడిగాపులు గాస్తున్నాడని పేర్కొన్నారు. పదేళ్లలో ఎన్నడన్నా చూసినమా ఇంతటి దైన్యం ఉందా అని ప్రవ్నించారు. తెలంగాణ(TELANGANA)లో మళ్లీ “ఆనాటి రోజులు” తెచ్చింది అసమర్థ రేవంత్ సర్కారు అని మండిపడ్డారు.
……………………………………………
