ఆకేరు న్యూస్‌, హైద‌రాబాద్ : తెలంగాణ ముఖ్య‌మంత్రి రేవంత్ రెడ్డి (Revanth Reddy) ఈరోజు సాయంత్రం హ‌స్తిన‌కు బ‌య‌లుదేర‌నున్నారు. నీతి ఆయోగ్ (NITI Aayog) గవర్నింగ్ కౌన్సిల్ సమావేశానికి హాజరుకానున్నారు. రాష్ట్ర అభివృద్ధికి అవసరమైన అంశాలను కేంద్ర ప్రభుత్వం ముందుంచే అవకాశముందని అధికార వర్గాలు పేర్కొంటున్నాయి. ఈ సందర్భంగా పలు కీలక అంశాలపై చర్చకు రంగం సిద్ధమవుతోంది. ఈ సమావేశంలో సీఎం రేవంత్ రెడ్డి ప్రధానంగా రంగారెడ్డి, రామగుండం, రాజన్న సిరిసిల్ల (RRR) ప్రాజెక్టు, పాలమూరు–రంగారెడ్డి ఎత్తిపోతల పథకాలపై కేంద్ర ఆర్థిక సహాయాన్ని కోరనున్నారు. ఇవి రాష్ట్రానికి ప్రాధాన్యమైన ప్రాజెక్టులుగా పేర్కొంటూ, వాటి పూర్తి కోసం కేంద్రం నిధులు మంజూరు చేయాలని విజ్ఞప్తి చేయనున్నారు. రాష్ట్ర ఆర్థిక స్థితిగతులను దృష్టిలో పెట్టుకొని, ఇప్పటికే ఉన్న రుణాలను రీషెడ్యూల్ చేయాల్సిన అవసరాన్ని సీఎం రేవంత్ రెడ్డి కేంద్రానికి వివ‌రించే అవ‌కాశం ఉంది.
…………………………………………
