Lingya Thanda Incident | మహబూబాబాద్ జిల్లాలో విషాదం

Published: 11 Oct 2026 • 08:41 AM

*తల్లి, కుమారుడు మృతి..

* చిన్నారి ఆచూకీ కోసం గాలింపు

ఆకేరు న్యూస్, మహబూబాబాద్ : జిల్లాలోని కురవి మండలం లింగ్య తండాలో తీవ్ర విషాదం చోటుచేసుకుంది. తల్లి తన ఇద్దరు పిల్లలతో కలిసి బావిలో దూకిన ఘటన స్థానికంగా కలకలం రేపింది.

ఈ ఘటనలో తల్లి బానోత్ అనూష (35), తొమ్మిదేళ్ల కుమారుడు విశాల్ కృష్ణ మృతి చెందినట్లు సమాచారం. ఐదేళ్ల చిన్నారి వర్షిణి ఆచూకీ కోసం గాలింపు చర్యలు కొనసాగుతున్నాయి.

* కుటుంబ కలహాలే కారణమా?

ప్రాథమిక సమాచారం ప్రకారం.. కుటుంబ కలహాల కారణంగానే ఈ ఘటన చోటుచేసుకుని ఉండవచ్చని స్థానికులు భావిస్తున్నారు. అయితే, ఘటనకు దారితీసిన అసలు కారణాలు ఇంకా తెలియాల్సి ఉంది.

* ఘటనా స్థలానికి చేరుకున్న పోలీసులు

సమాచారం అందుకున్న పోలీసులు ఘటనా స్థలానికి చేరుకుని వివరాలు సేకరించారు. బావిలో గల్లంతైన చిన్నారి వర్షిణి కోసం గాలింపు చర్యలు చేపట్టారు.

ఈ ఘటనకు సంబంధించిన పూర్తి వివరాలు, కుటుంబ పరిస్థితులు, ఇతర కారణాలపై పోలీసుల విచారణలో స్పష్టత వచ్చే అవకాశం ఉంది. ఒకే కుటుంబంలో చోటుచేసుకున్న ఈ విషాద ఘటనతో లింగ్య తండాలో విషాదఛాయలు అలుముకున్నాయి.