* ఆరుగురు మ‌హిళ‌లు స‌హా 17 మంది..
ఆకేరు న్యూస్, భ‌ద్రాద్రి కొత్త గూడెం : మావోయిస్టు పార్టీకి చెందిన 17 మంది సభ్యులు కొత్త‌గూడెం పోలీసుల ఎదుట లొంగిపోయారు. వారిలో ఆరుగురు మ‌హిళ‌లు కూడా ఉన్నారు. ఈమేర‌కు జిల్లా ఎస్పీ బిరుదరాజు రోహిత్ రాజు పోలీస్ హెడ్ క్వార్టర్స్ లో శుక్రవారం వివ‌రాలు వెల్ల‌డించారు. మావోయిస్టు పార్టీ సిద్దాంతాలు న‌చ్చ‌క కొంద‌రు లొంగిపోయార‌ని తెలిపారు. వారిలో ఇద్దరు ఏరియా కమిటీ సభ్యులు, నలుగురు పార్టీ సభ్యులు, 11 మంది మిలీషియా సభ్యులు ఉన్నట్లు వెల్ల‌డించారు. ఈ ఏడాదిలో ఇప్పటివరకు 282 మంది మావోయిస్టు పార్టీకి చెందిన సభ్యులు లొంగిపోయిన‌ట్లు వివ‌రించారు. వారిలో ఒక డీవీసీఎం, 13 మంది ఏరియా కమిటీ/ పీపీసీ సభ్యులు, 32 మంది పార్టీ సభ్యులు, 105 మంది మిలీషియా సభ్యులు, 33 మంది ఆర్పీసీ సభ్యులు, 47 మంది డీఏకేఎంఎస్/ కేఏఎంఎస్, 30 మంది చైతన్య నాట్యమండలి, 21 మంది గ్రామ రక్షక దళ సభ్యులు ఉన్నట్లు వెల్ల‌డించారు. ఇటీవల ములుగు జిల్లా పోలీసులు 20 మంది మావోయిస్టు పార్టీకి చెందిన సభ్యులను అరెస్టు చేయడంతో పాటు వారి వద్ద నుంచి 12 ఆయుధాలను స్వాధీనం చేసుకున్నట్లు తెలిపారు. మిగిలిన మావోయిస్టులు కూడా జ‌న‌జీవ‌న స్ర‌వంతిలో కల‌వాల‌ని పిలుపునిచ్చారు.
………………………………………
