నేటి నుంచి తెలంగాణ ఎప్ సెట్ కౌన్సెలింగ్
ఆకేరు న్యూస్‌, హైద‌రాబాద్ : తెలంగాణా కౌన్సిల్ ఆఫ్ హయ్యర్ ఎడ్యుకేషన్ (టీఎస్ సీహెచ్ఈ) టీజీ ఎప్ సెట్ కౌన్సెలింగ్ ప్రారంభించింది. తెలంగాణ రాష్ట్ర ఇంజనీరింగ్, వ్యవసాయం మరియు ఫార్మసీ కామన్ ఎంట్రన్స్ టెస్ట్ (టీఎస్ ఎప్ సెట్)లో ఉత్తీర్ణులైన విద్యార్థులకు రిజిస్ట్రేషన్ కొన‌సాగుతోంది. ఈనెల 12వ తేదీ వరకు ఈ రిజిస్ట్రేషన్ కొనసాగుతుంది. దీనిలో భాగంగా విద్యార్థులు ప్రాసెసింగ్ ఫీజు చెల్లించి, సర్టిఫికెట్ వెరిఫికేషన్లకు స్లాట్ బుక్ చేసుకోవచ్చని అధికారులు తెలిపారు. ఈనెల 6 నుంచి 13వ తేదీ వరకు రాష్ట్ర వ్యాప్తంగా 36 హెల్ప్ లైన్ సెంటర్లలో ఏదొక చోట ధ్రువపత్రాల పరిశీలనకు హాజరు కావొచ్చు. పరిశీలన చేయించుకున్న వారు ఈనెల 8 నుంచి 15వ తేదీ వరకు వెబ్ ఆప్షన్లు నమోదు చేసుకోవాలి. వారికి ఈనెల 19న లేదా ఆ లోపు తొలి విడత సీట్లు కేటాయిస్తారు. ఫీజు చెల్లింపు, సెల్ఫ్ రిపోర్టింగ్ కు జులై 19 నుంచి 23వ తేదీ వరకు అవకాశం కల్పించారు.
——————
