తిరుమల శ్రీవారిని రేవంత్‌ రెడ్డి కుటుంబ సమేతంగా దర్శించుకున్నారు
* రెండు రాష్ట్రాల మ‌ధ్య మంచి సంబంధాలు కొన‌సాగాలి..
* తెలంగాణ‌లో మంచి వ‌ర్షాలు కుర‌వాలి..
* తెలంగాణ భ‌క్తుల కోసం స‌త్రం, మండ‌పం నిర్మాణానికి కృషి చేస్తాన‌న్న రేవంత్‌
ఆకేరు న్యూస్‌, తిరుప‌తి : తెలంగాణ ముఖ్య‌మంత్రి రేవంత్‌రెడ్డి కుటుంబసభ్యులతో కలిసి బుధవారం ఉదయం తిరుమల శ్రీవారిని దర్శించుకున్నారు. వైకుంఠం క్యూ కాంప్లెక్స్‌ దగ్గర సీఎం రేవంత్‌రెడ్డి కుటుంబసభ్యులకు టీటీడీ అధికారులు ఘ‌న స్వాగతం పలికారు. అనంతరం.. కుటుంబసభ్యులతో కలిసి స్వామివారిని దర్శించుకున్నారు రేవంత్‌రెడ్డి. తమ మొక్కులు చెల్లించుకున్నారు. రంగనాయకుల మండపంలో రేవంత్‌ కుటుంబానికి పండితులు ఆశీర్వచనం చేయగా.. టీటీడీ ఈవో ధర్మారెడ్డి తీర్థప్రసాదాలు అందజేశారు. తెలంగాణ సీఎంగా బాధ్యతలు చేపట్టాక.. తొలిసారి తిరుమల వ‌చ్చిన రేవంత్‌.. రెండు రాష్ట్రాల మ‌ధ్య మంచి సంబంధాలు కొన‌సాగాలని, తెలంగాణ‌లో మంచి వ‌ర్షాలు కుర‌వాలని శ్రీవారిని ప్రార్థించిన‌ట్లు తెలిపారు. తెలంగాణ భ‌క్తుల కోసం స‌త్రం, క‌ల్యాణ మండ‌పం నిర్మాణానికి కృషి చేస్తాన‌ని తెలిపారు.
—————
