Hyderabad Farmhouse Party Death
* పోలీసుల తీరుపై తల్లిదండ్రుల ఆగ్రహం
ఆకేరు న్యూస్, హైదరాబాద్:
చేపట్టిన వేడుకల్లో సంతోషం నింపాల్సిన పార్టీ.. ఆ కుటుంబంలో శాశ్వత విషాదాన్ని మిగిల్చింది. హైదరాబాద్ శివారు ప్రాంతమైన రంగారెడ్డి జిల్లా మొయినాబాద్ పోలీస్ స్టేషన్ పరిధిలో ఘోర ప్రమాదం చోటుచేసుకుంది. ఫామ్హౌస్లో జరిగిన ఓ పార్టీకి హాజరైన యువకుడు ప్రమాదవశాత్తు స్విమ్మింగ్పూల్లో పడి ప్రాణాలు కోల్పోయాడు. ఈ ఘటన స్థానికంగా తీవ్ర కలకలం రేపింది.
* స్నేహితులతో కలిసి
పోలీసులు, స్థానికులు తెలిపిన వివరాల ప్రకారం.. హైదరాబాద్కు చెందిన ఒక యువకుడు తన స్నేహితులతో కలిసి మొయినాబాద్ పరిధిలోని ఒక ఫామ్హౌస్లో ఏర్పాటు చేసిన పార్టీకి హాజరయ్యాడు. అందరూ కలిసి సరదాగా గడుపుతున్న సమయంలో, సదరు యువకుడు ప్రమాదవశాత్తు ఫామ్హౌస్లోని స్విమ్మింగ్ పూల్లో పడిపోయాడు. గమనించిన స్నేహితులు కాపాడే ప్రయత్నం చేసినప్పటికీ.. అప్పటికే ఆ యువకుడు నీట మునిగి ఊపిరాడక ప్రాణాలు విడిచాడు.
పోలీసుల దర్యాప్తు.. తల్లిదండ్రులు రాకముందే
* ఉస్మానియా ఆస్పత్రికి
సమాచారం అందుకున్న మొయినాబాద్ పోలీసులు వెంటనే ఘటనాస్థలానికి చేరుకున్నారు. పూల్ నుంచి యువకుడి మృతదేహాన్ని వెలికితీసి, శవపరీక్ష నిమిత్తం హైదరాబాద్లోని ఉస్మానియా జనరల్ ఆసుపత్రికి తరలించారు.
అయితే, ఈ ఘటనపై సమాచారం అందుకుని తాము ఘటనాస్థలానికి చేరుకునేలోపే.. కనీసం తమకు చూపించకుండానే మృతదేహాన్ని ఆసుపత్రికి తరలించడంపై మృతుడి తల్లిదండ్రులు, బంధువులు తీవ్ర ఆగ్రహం వ్యక్తం చేశారు. పోలీసుల తొందరపాటు చర్యల వెనుక ఏదైనా కారణం ఉందా అని వారు అనుమానం వ్యక్తం చేస్తున్నారు. తాము రాకముందే బాడీని ఎందుకు షిఫ్ట్ చేశారంటూ పోలీసులతో వాగ్వాదానికి దిగారు.
* కేసు నమోదు.. దర్యాప్తు ముమ్మరం
ఈ ఘటనపై రంగంలోకి దిగిన పోలీసులు ప్రమాదకర కోణంతో పాటు అన్ని కోణాల్లోనూ దర్యాప్తు జరుపుతున్నారు. ఆ సమయంలో పార్టీలో ఎంతమంది ఉన్నారు? మద్యం మత్తులో ఈ ప్రమాదం జరిగిందా? లేక మరేదైనా కారణం ఉందా? అనే కోణంలో స్నేహితులను విచారిస్తున్నారు. ఫామ్హౌస్లోని సీసీటీవీ ఫుటేజీలను సైతం పరిశీలిస్తున్నారు. బాధితుల ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు మొయినాబాద్ పోలీసులు తెలిపారు.
About the Author
Please tell us what is wrong. Your report will be sent to the website team.
