Harish Rao Unwell
* పోలీస్ వాహనం ఎక్కేందుకు నిరాకరణ
ఆకేరు న్యూస్, హన్మకొండ :
హనుమకొండ జిల్లా కలెక్టరేట్ ప్రాంగణం సమీపంలో గురువారం తీవ్ర ఉద్రిక్త వాతావరణం నెలకొంది. మాజీ మంత్రి, బీఆర్ఎస్ సీనియర్ నాయకుడు తన్నీరు హరీష్ రావును అదుపులోకి తీసుకునేందుకు పోలీసులు తీవ్రంగా ప్రయత్నించారు. అయితే, పోలీసులు తీసుకొచ్చిన వాహనంలో ఎక్కేందుకు హరీష్ రావు నిరాకరించారు. దీంతో ఆయన కలెక్టరేట్ నుంచి సమీపంలోని సుబేదారి పోలీస్స్టేషన్ వరకు కాలినడకనే బయలుదేరారు. ఆయన వెంట భారీ సంఖ్యలో బీఆర్ఎస్ నాయకులు, కార్యకర్తలు నడవడంతో అక్కడ పెద్ద సంఖ్యలో జనం తరలివచ్చారు. పోలీసులు, బీఆర్ఎస్ శ్రేణులకు మధ్య తీవ్ర స్థాయిలో తోపులాట జరగడంతో పరిసర ప్రాంతాలన్నీ తీవ్ర ఉద్రిక్తతకు దారితీశాయి.
* పోలీస్స్టేషన్లో అస్వస్థత..
కలెక్టరేట్ నుంచి సుబేదారి పోలీస్ స్టేషన్ వరకు నడుచుకుంటూ వచ్చిన హరీష్ రావు తీవ్ర అస్వస్థతకు గురయ్యారు. స్టేషన్లోకి చేరుకున్న వెంటనే ఆయన కుర్చీలో కూర్చుని కొద్దిసేపు తీవ్రమైన శ్వాస తీసుకోవడానికి ఇబ్బంది పడ్డారు. తోపులాట, ఎండ వేడిమి కారణంగా ఈ పరిస్థితి ఏర్పడినట్లు తెలిసింది.
ఆయన వెంట మాజీ మంత్రులు ఎర్రబెల్లి దయాకర్ రావు, సత్యవతి రాథోడ్, మాజీ విప్ దాస్యం వినయ్ భాస్కర్ తదితర ప్రముఖ నాయకులు ఉన్నారు. పరిస్థితిని గమనించిన నాయకులు ఆయనకు ఉపశమనం అందించేందుకు చర్యలు చేపట్టారు.
About the Author
Please tell us what is wrong. Your report will be sent to the website team.
