Akkineni Nagarjuna | 100వ సినిమాలో విలన్‌గా తమిళ నటుడు

Published: 27 Aug 2026 • 08:00 PM

ఆకేరు న్యూస్, హైదరాబాద్: అక్కినేని నాగార్జున కెరీర్‌లో ఎంతో ప్రతిష్ఠాత్మకంగా తెరకెక్కుతున్న 100వ సినిమాపై ఆసక్తికరమైన అప్‌డేట్ వెలుగులోకి వచ్చింది. తాత్కాలికంగా ‘కింగ్ 100’ అనే పేరుతో ప్రచారంలో ఉన్న ఈ చిత్రంలో తమిళ నటుడు అశోక్ సెల్వన్ ప్రతినాయకుడి పాత్రలో కనిపించనున్నట్లు సమాచారం. ఈ వార్త ప్రస్తుతం సినీ వర్గాల్లో ఆసక్తిని రేకెత్తిస్తోంది

* అప్పుడు హీరో.. ఇప్పుడు విలన్

తమిళ దర్శకుడు రా కార్తిక్ ఈ చిత్రాన్ని తెరకెక్కిస్తున్నారు. గతంలో ఆయన దర్శకత్వం వహించిన ‘నిత్తం ఒరు వానం’లో అశోక్ సెల్వన్ హీరోగా నటించారు. ఇప్పుడు అదే దర్శకుడి సినిమాలో నాగార్జునకు ఎదురుగా అశోక్ సెల్వన్ విలన్ పాత్రలో కనిపించనున్నట్లు తెలుస్తోంది.

* యాక్షన్‌తో పాటు ఫ్యామిలీ ఎమోషన్స్

తన 100వ సినిమా గురించి గతంలో నాగార్జున మాట్లాడుతూ ఇది భారీ స్థాయిలో తెరకెక్కే యాక్షన్‌తో కూడిన ఫ్యామిలీ డ్రామా అని వెల్లడించారు. ఈ కథను రా కార్తిక్ తనకు ఏడాది క్రితమే వినిపించారని, సుమారు ఆరు నుంచి ఏడు నెలలుగా ఈ ప్రాజెక్టుపై పని జరుగుతోందని నాగార్జున

* పుట్టినరోజున టైటిల్ గ్లింప్స్?

నాగార్జున ఆగస్టు 29న పుట్టినరోజు జరుపుకోనున్న నేపథ్యంలో ‘కింగ్ 100’ టైటిల్ గ్లింప్స్‌ను అదే రోజున విడుదల చేసే అవకాశం ఉందనే ప్రచారం ప్రస్తుతం జరుగుతోంది.