Rajinikanth - Kamal Hassan | 30 ఏళ్ల తర్వాత ..

Published: 27 Aug 2026 • 08:04 PM

* కమల్, రజినీకాంత్ కాంబోలో సినిమా

ఆకేరు న్యూస్, హైదరాబాద్: సూపర్‌స్టార్ రజనీకాంత్ తన బిజీ సినిమా షెడ్యూల్‌పై అభిమానులకు తాజా అప్‌డేట్ ఇచ్చారు. ప్రస్తుతం ఆయన మూడు కీలక ప్రాజెక్టులతో బిజీగా ఉన్నారు. ఎంతో ఆసక్తిగా ఎదురుచూస్తున్న ‘జైలర్ 2’ చిత్రీకరణ పూర్తయిందని రజనీకాంత్ వెల్లడించారు. తదుపరి చిత్రం ‘ధర్మన్’ షూటింగ్ కొనసాగుతోందని తెలిపారు. తాజా అప్‌డేట్‌లో అందరినీ ఆశ్చర్యపరిచిన విషయం.. కమల్ హాసన్‌తో రజనీకాంత్ మరోసారి కలిసి నటించనున్నట్లు ప్రకటించడం.

రెడ్ జెయింట్ మూవీస్ నిర్మించనున్న కొత్త చిత్రంలో తాను, కమల్ హాసన్ కలిసి నటించనున్నట్లు రజనీకాంత్ తెలిపారు. ప్రస్తుతానికి మరో కొత్త సినిమాకు తాను సంతకం చేయలేదని కూడా ఆయన సూచించారు.

విమానాశ్రయంలో మీడియాతో మాట్లాడిన రజనీకాంత్.. “జైలర్ 2 షూటింగ్ పూర్తయింది. ధర్మన్ షూటింగ్ జరుగుతోంది. కమల్ ఈ సినిమాను నిర్మిస్తున్నారు. మేమిద్దరం‘ రెడ్ జెయింట్’ కోసం కలిసి నటిస్తున్నాం. అంతే” అని వెల్లడించారు.

* ‘జైలర్ 2’పై భారీ అంచనాలు

నెల్సన్ దిలీప్‌కుమార్ దర్శకత్వంలో తెరకెక్కుతున్న ‘జైలర్ 2’.. 2023లో వచ్చిన బ్లాక్‌బస్టర్ ‘జైలర్’కు సీక్వెల్. ఈ చిత్రంలో గత సినిమాలోని పలువురు నటులు తమ పాత్రలను కొనసాగించనున్నారు. శివరాజ్‌కుమార్, రమ్యకృష్ణన్, మిర్నా, వినాయకన్, యోగిబాబు మరోసారి కనిపించనున్నారు. వీరితో పాటు విద్యాబాలన్, సూరజ్ వెంజరమూడు, జతిన్ సర్నా, మిథున్ చక్రవర్తి తదితరులు నటిస్తున్నారు. ఈ సినిమా అక్టోబర్ 15న థియేటర్లలో విడుదల కానుంది.

* ‘ధర్మన్’లో రామ్ పోతినేనితో ఢీ

రజనీకాంత్ తదుపరి చిత్రం ‘ధర్మన్’కు అశ్విన్ మారిముత్తు దర్శకత్వం వహిస్తున్నారు. ప్రస్తుతం ఈ సినిమా నిర్మాణ దశలో ఉంది. ఇందులో రజనీకాంత్‌తో పాటు తెలుగు హీరో రామ్ పోతినేని కీలక పాత్రలో నటిస్తున్నారు. వీరిద్దరి మధ్య సాగే పోరు సినిమాకు ప్రధాన ఆకర్షణగా ఉండనుంది.

* మళ్లీ తెరపై రజనీ–కమల్

1985లో వచ్చిన ‘గెరాఫ్తార్’ తర్వాత రజనీకాంత్, కమల్ హాసన్ మరోసారి కలిసి తెరపై కనిపించనుండటంతో అభిమానుల్లో భారీ ఆసక్తి నెలకొంది.