NIT Warangal
* అమెరికా నుంచి అందిన సాయం
ఆకేరు న్యూస్, వరంగల్ : చదువుకున్న మాతృసంస్థపై మమకారాన్ని చాటుకుంటూ, వరంగల్ ఎన్ఐటీ (NIT) కి చెందిన 1983వ బ్యాచ్ పూర్వ విద్యార్థి శ్రీనివాస్ ఆర్. మాడాల అద్భుతమైన ఉదారతను ప్రదర్శించారు. విద్య, పరిశోధన మరియు సంస్థాగత అభివృద్ధి కార్యక్రమాల కోసం ఆయనో భారీ విరాళాన్ని ప్రకటించారు. బుధవారం నాడు ఆయన వరంగల్ నిట్కు ఏకంగా రూ. కోటి విరాళం అందజేస్తున్నట్లు వెల్లడించారు.
ప్రస్తుతం అమెరికాలో నివాసం ఉంటున్న శ్రీనివాస్ ఆర్. మాడాల, తాను చదువుకున్న విద్యా సంస్థ అభివృద్ధిలో తన వంతు భాగస్వామ్యం ఉండాలనే ఉద్దేశంతో ఈ మొత్తాన్ని అందించేందుకు ముందుకు వచ్చారు. ఈ విరాళానికి సంబంధించి ఇప్పటికే మొదటి విడతగా రూ. 25 లక్షలను నిట్ ఖాతాలో జమ చేసినట్లు ఆయన తెలిపారు.
మిగిలిన రూ. 75 లక్షల మొత్తాన్ని వచ్చే డిసెంబర్ నెలలో అందజేయనున్నట్లు స్పష్టం చేశారు. సుదూర దేశంలో స్థిరపడినప్పటికీ, తాను చదివిన కాలేజీకి మరియు విద్యార్థుల భవిష్యత్తుకు ఆయన ఇస్తున్న ఈ సహకారం స్థానికంగా ఎంతో ప్రశంసలకు తావిస్తోంది.
About the Author
Please tell us what is wrong. Your report will be sent to the website team.
