Danam Nagender Dance
*ఖైరతాబాద్లో దానం నాగేందర్ ఫుల్ జోష్..
*మహిళా పోలీసులతో కలిసి డ్యాన్స్
ఆకేరు న్యూస్, హైదరాబాద్ : హైదరాబాద్లోని ప్రసిద్ధ ఖైరతాబాద్ బడా గణేష్ ఉత్సవాలు మరియు శోభాయాత్ర వేడుకల్లో ఖైరతాబాద్ ఎమ్మెల్యే దానం నాగేందర్ పూర్తి జోష్లో కనిపించారు. గణేష్ వేడుకల్లో భాగంగా ఏర్పాటు చేసిన సాంస్కృతిక కార్యక్రమాలు, డీజే హోరు మధ్య ఆయన యువతతో కలిసి స్టెప్పులేశారు. ముఖ్యంగా ట్రెండింగ్లో ఉన్న ‘ఆయా షేర్’ పాటకు అక్కడ విధుల్లో ఉన్న మహిళా పోలీసులతో కలిసి ఆయన ఉత్సాహంగా డ్యాన్స్ చేయడం ప్రస్తుతం సోషల్ మీడియాలో విపరీతంగా వైరల్ అవుతోంది.
* ఫుల్ జోష్లో దానం
తన రాజకీయ ప్రయాణం, అనర్హత పిటిషన్ల అంశాలపై వస్తున్న చర్చలను దానం నాగేందర్ ఏమాత్రం పట్టించుకోవడం లేదనే సంకేతాలు ఈ వేడుకల ద్వారా స్పష్టమవుతున్నాయి. ప్రత్యర్థుల విమర్శలను, చట్టపరమైన సవాళ్లను ఆయన పూర్తిగా ‘లైట్’ తీసుకున్నట్లు కనిపిస్తోంది. ఒకవేళ ఉప ఎన్నికలు వచ్చినా సరే తాను ఎప్పుడూ సిద్ధంగానే ఉన్నానంటూ ఆయన ఇప్పటికే బహిరంగంగా ప్రకటించిన సంగతి తెలిసిందే.
తాజాగా బడా గణేష్ వేడుకల్లో ఆయన చూపించిన ఈ ఫుల్ ఎనర్జీ, జోరు చూస్తుంటే రాజకీయ ఒత్తిళ్లకు దూరంగా ప్రజలతో కలిసి పండగను ఆస్వాదించడంలో ఆయన ముందున్నారు. ఏది ఏమైనప్పటికీ, ఖైరతాబాద్ గణేష్ వేడుకల్లో దానం నాగేందర్ వేసిన స్టెప్పులు, ఆయన వేడుకల్లో చేసిన సందడి ప్రస్తుతం రాజకీయ వర్గాల్లో హాట్ టాపిక్గా మారింది.
About the Author
Please tell us what is wrong. Your report will be sent to the website team.
