Medaram Mini Jatara 2027
*2027 ఫిబ్రవరిలోనే సమ్మక్క-సారలమ్మ దర్శనాలు
ఆకేరు న్యూస్, హైదరాబాద్ : ఆసియాలోనే అతిపెద్ద గిరిజన పండుగగా ప్రసిద్ధి చెందిన మేడారం సమ్మక్క-సారలమ్మ మినీ జాతర తేదీలు అధికారికంగా ఖరారయ్యాయి. 2027 సంవత్సరంలో జరిగే ఈ మినీ జాతర మహోత్సవాల షెడ్యూల్ను ఆలయ పూజారులు, అధికారులు సంయుక్తంగా ప్రకటించారు.
* జాతర ముఖ్య తేదీలు (ఫిబ్రవరి 2027)
2027 ఫిబ్రవరి నెలలో నాలుగు రోజుల పాటు ఈ మినీ జాతర అత్యంత వైభవంగా జరగనుంది.
ఫిబ్రవరి 17 : గుడి సుద్ధి, పూజా కార్యక్రమాల ప్రారంభం
ఫిబ్రవరి 18 : సమ్మక్క-సారలమ్మల దేవతలకు ప్రత్యేక పూజలు, దర్శనాలు
ఫిబ్రవరి 19 : భక్తుల మొక్కుల సమర్పణ
ఫిబ్రవరి 20 : ముగింపు వేడుకలు, సాంప్రదాయ పూజలు
* మినీ జాతర విశిష్టత
ప్రతి రెండేళ్లకు ఒకసారి జరిగే మహా జాతర మధ్య కాలంలో వచ్చే ఏడాదిన ‘మినీ జాతర’గా నిర్వహిస్తారు. మహా జాతర స్థాయిలోనే కాకపోయినా, ఈ మినీ జాతరకు కూడా తెలంగాణతో పాటు ఆంధ్రప్రదేశ్, మహారాష్ట్ర, ఛత్తీస్గఢ్, ఒడిశా వంటి పొరుగు రాష్ట్రాల నుంచి లక్షలాది మంది భక్తులు తరలివస్తారు. సమ్మక్క-సారలమ్మ దేవతలను దర్శించుకుని తమ మొక్కులు చెల్లించుకోవడానికి భక్తులు విపరీతంగా ఆసక్తి చూపుతారు.
జాతర తేదీలు ఖరారు కావడంతో ములుగు జిల్లా యంత్రాంగం మరియు పూజారుల సంఘం భక్తులకు అవసరమైన తాగునీరు, రవాణా, పారిశుధ్యం, భద్రతా ఏర్పాట్లపై దృష్టి సారించాయి. భక్తుల రద్దీని దృష్టిలో ఉంచుకుని ప్రత్యేక ఆర్టీసీ బస్సులను కూడా నడిపేందుకు ప్రణాళికలు రూపొందిస్తున్నారు.
About the Author
Please tell us what is wrong. Your report will be sent to the website team.
