Congress Protest Delhi Special Trains
* సికింద్రాబాద్‌ రైల్ నిలయం వద్ద తీవ్ర ఉద్రిక్తత..
* జీఎం ఆఫీసును ముట్టడించిన టీ కాంగ్రెస్‌ నేతలు
* మంత్రి పొన్నం ప్రభాకర్, పీసీసీ చీఫ్‌ మహేష్‌ గౌడ్‌ అరెస్ట్‌
ఆకేరు న్యూస్, హైదరాబాద్ : నవంబర్‌ 1న ఢిల్లీలోని రామ్‌లీలా మైదానంలో కాంగ్రెస్‌ పార్టీ ఆధ్వర్యంలో నిర్వహించ తలపెట్టిన కార్యక్రమం కోసం ప్రత్యేక రైళ్లు కేటాయించాలని కోరుతూ టీ కాంగ్రెస్‌ నేతలు చేపట్టిన ఆందోళన సికింద్రాబాద్‌ రైల్ నిలయం వద్ద తీవ్ర ఉద్రిక్తతకు దారితీసింది. భక్నూరుతో పాటు వివిధ ప్రాంతాల నుంచి తరలివచ్చిన కాంగ్రెస్‌ శ్రేణులు దక్షిణ మధ్య రైల్వే జీఎం ఆఫీసును ముట్టడించి మేరుపు ధర్నా నిర్వహించారు.
* ప్రత్యేక రైళ్లకు రైల్వే శాఖ నిరాకరణ
నవంబర్‌ 1న ఢిల్లీకి వెళ్లేందుకు ప్రత్యేక రైళ్లు ఏర్పాటు చేయాలని కాంగ్రెస్‌ నేతలు కోరగా, ఇప్పట్లో రైళ్లు ఇవ్వడం కుదరదని రైల్వే శాఖ స్పష్టం చేసింది. రైల్వే శాఖ తీసుకున్న ఈ నిర్ణయంపై తీవ్ర నిరసన వ్యక్తం చేస్తూ దక్షిణ మధ్య రైల్వే జీఎం కార్యాలయం ఎదుట కాంగ్రెస్‌ నాయకులు ఆందోళనకు దిగారు. ఈ ధర్నా కార్యక్రమంలో పీసీసీ చీఫ్‌ మహేష్‌ గౌడ్‌, రాష్ట్ర మంత్రులు, ఎంపీలు, ఎమ్మెల్యేలు పెద్ద ఎత్తున పాల్గొన్నారు.
* పోలీసుల అరెస్ట్‌లు – తోపులాటలు
రైల్ భవన్‌ దగ్గర ఉద్రిక్త పరిస్థితులు నెలకొనడంతో పోలీసులు రంగప్రవేశం చేశారు. ఆందోళనకారులను అడ్డుకునే క్రమంలో పోలీసులకు, కాంగ్రెస్‌ కార్యకర్తలకు మధ్య తీవ్ర వాగ్వాదం, తోపులాట చోటుచేసుకున్నాయి. జీఎం కార్యాలయం వద్ద బైఠాయించేందుకు యత్నించిన నేతలను పోలీసులు బలవంతంగా అడ్డుకున్నారు.
ఈ ఆందోళనలో భాగంగా మంత్రి పొన్నం ప్రభాకర్‌తో పాటు పీసీసీ చీఫ్‌ మహేష్‌ కుమార్‌ గౌడ్‌ను పోలీసులు అరెస్టు చేసి వాహనాల్లో తరలించారు. వీరితో పాటు మరికొందరు ఎంపీలు, ఇతర ప్రజాప్రతినిధులు, కార్యకర్తలను కూడా అదుపులోకి తీసుకుని పోలీసు స్టేషన్‌కు తరలించారు. మంత్రులు మరియు నేతల వాహనాలు వెళ్తున్న సమయంలోనూ కార్యకర్తలు పెద్ద ఎత్తున నినాదాలు చేయడంతో అక్కడ దద్దరిల్లింది.
మొత్తంగా రైల్ భవన్‌ వద్ద కాంగ్రెస్‌ తలపెట్టిన ధర్నా ఉద్రిక్త వాతావరణం మధ్య ముగిసింది. పోలీసులు ముందస్తు భద్రతా చర్యల్లో భాగంగా పీసీసీ చీఫ్‌తో పాటు పలువురు మంత్రులను పోలీస్‌ స్టేషన్‌కు తరలించడంతో సికింద్రాబాద్‌ రైల్ నిలయం ప్రాంతంలో భారీగా పోలీసులను మోహరించారు.
About the Author
Please tell us what is wrong. Your report will be sent to the website team.
