MGM staff protest
* నెల రోజులైనా జీతాలు లేవు
* జీతాల కోసం సిబ్బంది నిరసన
ఆకేరు న్యూస్, వరంగల్ : వరంగల్ ఎంజీఎం ఆసుపత్రిలో శానిటేషన్ సిబ్బంది నిరసనకు దిగారు. కొత్తగా నిర్మిస్తున్న TIMS ఆసుపత్రిలో నెల రోజుల పాటు విధులు నిర్వహించినప్పటికీ తమకు ఇప్పటివరకు వేతనాలు చెల్లించలేదని ఆవేదన వ్యక్తం చేశారు. చేసిన పనికి జీతాలు ఇవ్వాలని డిమాండ్ చేస్తూ తమ నిరసనను తెలియజేశారు.
* దసరా పండుగకు కూడా డ్యూటీ చేశాం
కొత్తగా నిర్మిస్తున్న TIMS ఆసుపత్రిలో పనులు చేయించుకునే సమయంలో ఓవర్‌టైమ్ (OT) చెల్లిస్తామని చెప్పారని సిబ్బంది తెలిపారు. దీంతో దసరా పండుగను సైతం పక్కనపెట్టి విధులకు హాజరయ్యామని పేర్కొన్నారు. పండుగ రోజుల్లో కూడా ఆసుపత్రి పనుల్లో పాల్గొని తమ బాధ్యతలు నిర్వర్తించామని వెల్లడించారు.
* నెల రోజుల శ్రమకు ఫలితం ఏదీ
నెల రోజుల పాటు నిరంతరంగా పనిచేసినప్పటికీ ఇప్పటివరకు వేతనాలు చెల్లించకపోవడంపై శానిటేషన్ సిబ్బంది ఆగ్రహం వ్యక్తం చేశారు. ఓవర్‌టైమ్ ఇస్తామని చెప్పడంతో అదనపు సమయం కూడా పనిచేశామని, అయినా తమకు రావాల్సిన డబ్బులు అందలేదని వాపోయారు.
తమ శ్రమకు తగిన ప్రతిఫలం ఇవ్వాలని, నెల రోజుల పాటు పనిచేసిన వేతనాలతో పాటు ఓవర్‌టైమ్‌కు సంబంధించిన చెల్లింపులు కూడా వెంటనే అందించాలని సిబ్బంది డిమాండ్ చేశారు. సంబంధిత అధికారులు స్పందించి తమ సమస్యను పరిష్కరించాలని కోరారు.
About the Author
Please tell us what is wrong. Your report will be sent to the website team.
