Train Overhead Wire Accident
* రైలుపై తెగిపడిన 25,000 వోల్ట్ల విద్యుత్ వైర్
ఆకేరు న్యూస్, డెస్క్: పశ్చిమ బెంగాల్లోని అత్యంత రద్దీగా ఉండే సీల్దా-దంకుణి (Sealdah–Dankuni) రైల్వే సెక్షన్లో బుధవారం భారీ ప్రమాదం తప్పింది. దక్షిణేశ్వర్ రైల్వే స్టేషన్ సమీపంలో ఉన్న ఓవర్హెడ్ హై-టెన్షన్ ఎలక్ట్రిక్ వైర్ ఉన్నట్టుండి తెగిపడింది.
సుమారు 11,000 నుండి 25,000 వోల్ట్ల విద్యుత్ ప్రసారమయ్యే ఈ లైవ్ వైర్ రైలు బోగీకి అతి సమీపంలో పడటంతో భారీ ఎత్తున నిప్పురవ్వలు విరజిమ్మాయి. దీంతో ప్రయాణికులు తీవ్ర భయాందోళనకు గురయ్యారు.
* స్తంభించిన రైల్వే సేవలు..
ఈ ఘటనతో అప్, డౌన్ లైన్లలో రైళ్ల రాకపోకలు పూర్తిగా నిలిచిపోయాయి. దీని ప్రభావం సీల్దా మెయిన్, బంగావ్ (Bangaon) లైన్లపై కూడా పడటంతో వందలాది మంది ప్రయాణికులు స్టేషన్లలోనే చిక్కుకుపోయారు. ఆఫీసులకు, ఇతర పనులకు వెళ్లే ప్రయాణికులు తీవ్ర ఇబ్బందులు ఎదుర్కొన్నారు.
* వైరల్గా మారిన విజువల్స్..
వైర్ తెగిపడి భయంకరమైన శబ్దాలతో నిప్పురవ్వలు ఎగిసిపడటం, భయాందోళనకు గురైన ప్రయాణికులు చెల్లాచెదురుగా పరుగులు తీయడానికి సంబంధించిన వీడియోలు సోషల్ మీడియాలో తెగ వైరల్ అవుతున్నాయి.
ఘటన సమాచారం అందుకున్న వెంటనే రైల్వే అధికారులు, సాంకేతిక సిబ్బంది ఘటనా స్థలానికి చేరుకుని విద్యుత్ సరఫరాను నిలిపివేశారు. వెంటనే మరమ్మతు పనులు ప్రారంభించి, పరిస్థితిని అదుపులోకి తెచ్చారు.
అదృష్టవశాత్తూ ఈ ప్రమాదంలో ఎలాంటి ప్రాణనష్టం కానీ, గాయాలు కానీ కాకపోవడంతో అధికారులు, ప్రయాణికులు ఊపిరి పీల్చుకున్నారు. ఓవర్హెడ్ వైర్ తెగిపోవడానికి గల కారణాలపై రైల్వే అధికారులు విచారణకు ఆదేశించారు.
About the Author
Please tell us what is wrong. Your report will be sent to the website team.
