Actress Ambika and Radha
* అసలు అది ఎలా సాధ్యం : నటి అంబికా
ఆకేరు న్యూస్, సినిమా డెస్క్ : ప్రముఖంగా రాధగా పేరొందిన సీనియర్ నటి ఉదయచంద్రిక తన సోదరి, నటి అంబికా నాయర్, సోదరుడు మల్లికార్జున కుంజన్ నాయర్ అలియాస్ అర్జున్ నాయర్పై పోలీసులకు అధికారిక ఫిర్యాదు చేశారు. దాదాపు ₹50 కోట్ల మేర మోసం చేసేందుకు చెల్లని చెక్కులను దొంగిలించి, ఫోర్జరీ చేసేందుకు వారు కుట్ర పన్నారని ఆమె ఆరోపించారు. ఈ ఆరోపణలపై అంబికా స్పందిస్తూ, తాను ఎలాంటి తప్పూ చేయలేదని ఖండించారు.
* అంబికా స్పందన..
తన నివాసం నుంచి సంతకం చేసిన ఖాళీ చెక్కులను తన సోదరి అంబికా, సోదరుడు మల్లికార్జున కుంజన్ నాయర్ దొంగిలించారని, వాటి ద్వారా అక్రమంగా దాదాపు ₹46 కోట్లు నగదుగా మార్చుకునేందుకు ప్రయత్నించారని నటి రాధ గ్రేటర్ చెన్నై పోలీస్ కమిషనర్కు అధికారిక ఫిర్యాదు చేశారు. ఈ ఫిర్యాదు అనంతరం మీడియాతో మాట్లాడిన అంబికా ఆరోపణలను పూర్తిగా ఖండించారు. రాధ ఫిర్యాదులో నిజం లేదని చెప్పారు. కుటుంబ సమస్య పోలీసుల దాకా వెళ్లడం తనకు బాధ కలిగించిందని అన్నారు.
* దొంగతనం జరగడం అసాధ్యం..
రాధ తన ఫిర్యాదులో, అంబికా తన గదిలోకి చొరబడి సంతకం చేసిన చెక్కులను దొంగిలించారని ఆరోపించారు. ఈ ఆరోపణలను అంబికా తోసిపుచ్చుతూ, రాధ తన వస్తువుల విషయంలో ఎంతో జాగ్రత్తగా ఉంటారని, నంబర్ లాక్ ఉన్న బ్యాగులను వాడతారని, అలాంటప్పుడు దొంగతనం జరగడం అసాధ్యమని పేర్కొన్నారు.
“నా చిన్నతనంలో నా తోబుట్టువుల కోసం రాత్రింబవళ్లు కష్టపడ్డాను. ఒక గది నుంచి చెక్కు దొంగిలించానని ఆరోపించడం తీవ్రంగా బాధ కలిగించింది, పూర్తిగా అసంబద్ధం. తన వస్తువుల విషయంలో ఆమె (రాధ) అంత జాగ్రత్తగా ఉంటే, ఇది ఎలా సాధ్యమవుతుంది?” అని అంబికా అన్నారు.
* నా కష్టార్జితంతో నిర్మించా..
“ఏఆర్ఎస్ గార్డెన్స్ను నా కష్టార్జితంతో నిర్మించాను. ఎంజీఆర్ ఆశీస్సులతో దానికి ఆ పేరు పెట్టాం. ఇప్పుడు ఆ పేరు తొలగించి, నాకు రావాల్సిన వాటాను నిరాకరించడంతో న్యాయపరమైన మార్గాన్ని ఆశ్రయించాల్సి వచ్చింది. కుటుంబంలోనే సమస్యను పరిష్కరించుకునేందుకు పలుమార్లు ప్రయత్నించాం. ప్రస్తుతం న్యాయ ప్రక్రియ కొనసాగుతున్నందున, చట్టాన్ని గౌరవిస్తూ ఇకపై బహిరంగంగా వ్యాఖ్యానించను” అని ఆమె చెప్పారు.
About the Author
Please tell us what is wrong. Your report will be sent to the website team.
