* సైబర్ క్రైం అధికారుల సూచనలు పాటించాల్సిందే
* ఇప్పుడు జరిగేవన్నీ సైబర్ నేరాలే
ఆకేరు న్యూస్, స్పెషల్ స్టోరీ
సైబర్ నేరాలు రోజురోజుకూ పెరిగిపోతున్నాయి. మన ప్రమేయం లేకుండానే మన ఫోన్లు, బ్యాంకు ఖ్యాతాలు సైబర్ నేరగాళ్ల చేతుల్లోకి వెళ్లిపోతున్నాయి. అందువల్ల మన డబ్బు, ముఖ్యమైన సమాచారం కోల్పోవడమే కాదు.. ఒక్కోసారి కేసుల్లో కూడా ఇరుక్కోవాల్సి రావచ్చు. అక్రమ మార్గాల్లో మన ప్రమేయం లేకుండానే ఖాతాల్లో డబ్బు పడితే అధికారులు ఆయా ఖాతాలను ఫ్రీజ్ చేస్తారు. కొందరైతే డబ్బు కోసం ఆశపడి ఖాతాలను అమ్ముకుంటున్నారు. ఇది మరింత ప్రమాదమని సైబర్ నిపుణులు హెచ్చరిస్తున్నారు.
మీ బ్యాంక్ ఖాతా ఫ్రీజ్ అయిందా? కారణాలివే..
* మీకు వ్యాపార రుణాలు ఇస్తామని చెప్పి సైబర్ మోసగాళ్లు మీ బ్యాంక్ ఖాతాను తమ నియంత్రణలోకి తీసుకుని సైబర్ మోసాలకు పాల్పడవచ్చు. అటువంటి సందర్భాల్లో మీ బ్యాంక్ ఖాతా ఫ్రీజ్ చేయబడుతుంది.
* USDT / క్రిప్టో కరెన్సీ మోసపు కొనుగోలుదారులు – సైబర్ నేరాల ద్వారా అక్రమంగా పొందిన డబ్బును మీ బ్యాంక్ ఖాతా ద్వారా మళ్లించి క్రిప్టో కరెన్సీ కొనుగోలు చేసి, మీ నుంచి USDT / క్రిప్టో కరెన్సీ తీసుకుంటారు. ఇలాంటి సందర్భాల్లో పోలీసు అధికారులు మీ బ్యాంక్ ఖాతాను ఫ్రీజ్ చేయవచ్చు.
* వ్యాపార సంస్థలు, కొనుగోలుదారుడి గుర్తింపు వివరాలు మరియు వారు చెల్లిస్తున్న బ్యాంక్ ఖాతాను తప్పనిసరిగా ధృవీకరించాలి. సైబర్ నేరాలకు సంబంధించిన డబ్బు అయితే, మీ బ్యాంక్ ఖాతా ఫ్రీజ్ అయ్యే ప్రమాదం ఉంది.
* ఆన్లైన్ గేమింగ్ మరియు బెట్టింగ్ ద్వారా వచ్చిన డబ్బు సైబర్ మోసాలకు సంబంధించినదై ఉండవచ్చు. అటువంటి సందర్భాల్లో మీ బ్యాంక్ ఖాతా ఫ్రీజ్ చేయబడవచ్చు.
* నకిలీ ఇన్వెస్ట్మెంట్ యాప్లు – ఇలాంటి యాప్ల ద్వారా పొందిన లేదా అందుకున్న డబ్బు అక్రమమైనది. దీనివల్ల పలు పోలీసు అధికారులచే మీ బ్యాంక్ ఖాతా ఫ్రీజ్ చేయబడే అవకాశం ఉంది.
* అక్రమ ఆన్లైన్ ఇన్స్టంట్ లోన్ యాప్లు – ఇలాంటి యాప్ల ద్వారా మీ ఖాతాలో జమ అయిన లోన్ మొత్తం అక్రమమైనది మరియు పలు పోలీసు అధికారులచే మీ బ్యాంక్ ఖాతా ఫ్రీజ్ చేయబడే అవకాశం ఉంది.
* తెలియని వ్యక్తుల నుంచి డబ్బు స్వీకరించడం – అటువంటి డబ్బు అక్రమమైనదై ఉండవచ్చు మరియు పలు పోలీసు అధికారులచే మీ బ్యాంక్ ఖాతా ఫ్రీజ్ చేయబడే ప్రమాదం ఉంది.
మీ బ్యాంక్ ఖాతా ఫ్రీజ్ అయితే ఏం చేయాలి..
* మీ హోమ్ బ్రాంచ్ లేదా సమీప బ్రాంచ్ను సందర్శించి, ఖాతాను ఫ్రీజ్ చేసిన పోలీసు అధికారుల వివరాలను తెలుసుకోండి.
* వేర్వేరు పోలీసు అధికారులచే ఒకటి కంటే ఎక్కువ ఫ్రీజ్లు ఉంటే, అన్ని పోలీసు అధికారుల వివరాలను సేకరించండి.
* సంబంధిత పోలీసు అధికారులను ఫోన్ ద్వారా సంప్రదించండి. వారు పోలీస్ స్టేషన్కు రావాలని చెప్పినట్లయితే, సంబంధిత పోలీస్ స్టేషన్కు వెళ్లి మీ ఖాతా అన్ఫ్రీజ్ కోసం దరఖాస్తు సమర్పించాలి. దానికి మీ KYC వివరాలు, బ్యాంక్ స్టేట్మెంట్లు మరియు వివాదాస్పద లావాదేవీలకు సంబంధించిన వివరణ వంటి సహాయక పత్రాలను జత చేయాలి.
* నిర్దేశిత SOP ప్రకారం ప్రక్రియ పూర్తి చేసిన తర్వాత, పోలీసులు మీ బ్యాంక్కు అన్ఫ్రీజ్ నోటీస్ పంపిస్తారు.
* సంబంధిత అన్ని పోలీసు అధికారుల నుంచి అన్ఫ్రీజ్ నోటీస్లు అందిన తర్వాత, మీ బ్యాంక్ మీ ఖాతాను అన్ఫ్రీజ్ చేస్తుంది.
బ్యాంక్ ఖాతాను అమ్మితే..
* సైబర్ నేరగాళ్లు సులభమైన ఆదాయం అని చెప్పి విద్యార్థులు, నిరుద్యోగ యువత, డ్రైవర్లు, రోజువారీ కూలీలను ఎక్కువగా లక్ష్యంగా చేసుకుంటారు.
* టెలిగ్రామ్, వాట్సాప్ వంటి యాప్ల ద్వారా మీ బ్యాంక్ ఖాతాను సైబర్ నేరాలకు ఉపయోగించేందుకు ఇవ్వమని మోసగాళ్లు ప్రలోభపెట్టవచ్చు.
* ఇతరులకు మీ బ్యాంక్ ఖాతాను ఉపయోగించనివ్వడం వల్ల మీరు “మనీ మ్యూల్” అవుతారు. ఇది తీవ్రమైన నేరం మరియు పలు పోలీసు అధికారులచే మీ బ్యాంక్ ఖాతా ఫ్రీజ్ చేయబడుతుంది.
* మీ బ్యాంక్ ఖాతా ద్వారా జరిగిన ప్రతి లావాదేవీకి, మీరు స్వయంగా చేయకపోయినా, చట్టపరంగా మీరు బాధ్యత వహించాల్సి ఉంటుంది.
* సైబర్ నేరగాళ్లు ఇలాంటి ఖాతాలను ఆన్లైన్ మోసాలు, స్కామ్లు, బెట్టింగ్ మరియు ఇతర అక్రమ కార్యకలాపాల నుంచి వచ్చిన డబ్బు మళ్లించేందుకు ఉపయోగిస్తారు.
* మీ బ్యాంక్ ఖాతాను ఇవ్వడం వల్ల ఐటీ యాక్ట్, BNS మరియు PMLA కింద అరెస్టు, జైలు శిక్ష మరియు క్రిమినల్ కేసులు నమోదయ్యే అవకాశం ఉంది.
* ఒకసారి మీ ఖాతా ఫ్లాగ్ అయితే, మీ క్రెడిట్ స్కోర్, భవిష్యత్ లోన్లు, ఉద్యోగాలు, పాస్పోర్ట్ / వీసా దరఖాస్తులపై ప్రతికూల ప్రభావం పడవచ్చు.
* “నాకు తెలియదు” లేదా “నేను కేవలం ఖాతా ఇచ్చాను” అని చెప్పినా శిక్ష తప్పదు.
* మీ ఖాతా మీకు తెలియకుండా దుర్వినియోగం అయితే వెంటనే బ్యాంక్, పోలీసులకు సమాచారం ఇవ్వాలి.
1930కు ఫోన్ చేయండి..
ఏవైనా అసాధారణ లావాదేవీలు కనిపిస్తే వెంటనే బ్యాంక్కు సమాచారం ఇవ్వండి. మీ బ్యాంక్ ఖాతా వివరాలు అడిగే వ్యక్తుల వివరాలను వెంటనే 1930 సైబర్ క్రైమ్ హెల్ప్లైన్కు కాల్ చేయడం ద్వారా లేదా cybercrime.gov.in వెబ్సైట్ను సందర్శించి ఫిర్యాదు చేయండి.
– వి.అరవింద్ బాబు, సైబర్ క్రైమ్స్ అధికారి
……………………………………………………..
