Ameesha Patel Hardik Pandya Rumours
* ఎక్స్ యూజర్పై అమీషా పటేల్ ఘాటు స్పందన
ఆకేరు న్యూస్, హైదరాబాద్: బాలీవుడ్ నటి అమీషా పటేల్ వివాహం చేసుకోకుండా ఉండాలని నిర్ణయించుకున్న కొద్దిమంది బాలీవుడ్ ప్రముఖుల్లో ఒకరు. ఇటీవల ముంబైలోని తాజ్ మహల్ ప్యాలెస్లో భారత క్రికెటర్ హార్దిక్ పాండ్యాతో ఆమె కనిపించారు. వారిద్దరి సంభాషణకు సంబంధించిన ఓ వీడియో సోషల్ మీడియాలో వైరల్ అయింది. అందులో అమీషా తన స్నేహితులకు హార్దిక్ను పరిచయం చేస్తూ కనిపించారు. అయితే, వారి మధ్య ఉన్న అనుబంధం కేవలం స్నేహపూర్వకమైనది మాత్రమే కాదని ఓ ఎక్స్ యూజర్ వ్యాఖ్యానించాడు. దీనిపై అమీషా ఇప్పుడు వ్యంగ్యంగా స్పందించారు. సాధారణ స్నేహపూర్వక హావభావాన్ని ప్రేమ సంబంధంగా ముడిపెట్టడంపై ఆ యూజర్ను ఆమె ఎద్దేవా చేశారు.
* ఎక్స్ యూజర్కు అమీషా పటేల్ కౌంటర్
అమీషా పటేల్, హార్దిక్ పాండ్యా కలిసి ఉన్న వైరల్ వీడియోను ఆ ఎక్స్ యూజర్ షేర్ చేశాడు. “బెంగళూరులోని ఓ హోటల్లో జరిగిన పార్టీలో అమీషా పటేల్ హార్దిక్ పాండ్యా భుజంపై చేయి వేసిన తీరు చూడండి. రూమర్లు అన్నీ నిజమవుతున్నట్టున్నాయి.” అని రాసుకొచ్చాడు. అయితే, అమీషా దీనిపై తన ఇన్స్టాగ్రామ్ స్టోరీస్లో ఆ ఎక్స్ యూజర్ పోస్టుకు సంబంధించిన స్క్రీన్షాట్ను షేర్ చేసి, తనను క్రికెటర్తో ముడిపెట్టడంపై తీవ్రంగా స్పందించారు. “అవును, చాలా నిజం. నా దేవుడా, మీరు చెప్పింది నిజమే… నేను అతనిపై చేయి వేసిన తీరు నిజంగా చాలా రొమాంటిక్గా ఉంది. నాకు మీరు తెలియదు. కానీ చూస్తుంటే మీకు అమ్మాయి స్నేహితురాలిగా కూడా లేనట్టుంది. ఇలాంటి విషయాలపై పోస్టులు చేసే ముందు మీకు ఒక అమ్మాయి స్నేహితురాలు ఉండటం మంచిది.” అని పోస్టు చేశారు.
About the Author
Please tell us what is wrong. Your report will be sent to the website team.
