* రేపు ఢిల్లీలోని జంతర్‌మంతర్‌ వద్ద 12 బీసీ సంక్షేమ సంఘాల ఆధ్వర్యంలో మహాధర్నా
* ధర్నాలో పాల్గొననున్న ఎమ్మెల్యేలు
ఆకేరున్యూస్‌, హైదరాబాద్‌: తెలంగాణ కాంగ్రెస్ బీసీ ఎమ్మెల్యేలు ఈ రోజు ఢిల్లీకి వెళ్లనున్నారు. విద్య, ఉపాధి, స్థానిక సంస్థల ఎన్నికల్లో బీసీలకు 42 శాతం రిజర్వేషన్లు కల్పించే రెండు బిల్లులకు ఇటీవల తెలంగాణ అసెంబ్లీలో ఆమోదింపజేసుకున్న విషయం తెలిసిందే. కాగా.. ఆ బిల్లులను పార్లమెంట్‌లో ఆమోదించి, షెడ్యూల్‌-9లో చేర్చాలని డిమాండ్‌ చేస్తూ తెలంగాణ బీసీ సంఘాల ఆధ్వర్యంలో రేపు ఢిల్లీలోని జంతర్‌మంతర్‌ వద్ద 12 బీసీ సంక్షేమ సంఘాల ఆధ్వర్యంలో మహాధర్నా చేపట్టేందుకు సిద్ధమవుతున్నారు. ఈ మహాధర్నాకు హాజరుకావాలంటూ ఇప్పటికే కాంగ్రెస్, బీఆర్‌ఎస్‌, మజ్లిస్‌, వామపక్షాలతో పాటు బీజేపీ నేతలను బీసీ సంఘాల నేతలు ఇప్పటి సమాచారం అందజేశారు. ఈ నేపథ్యంలో ఆయా పార్టీల్లోని బీసీ నేతలంతా ధర్నాలో పాల్గొనేందుకు హస్తినకు పయనమవుతున్నారు. ఈ రోజు మంత్రులు పొన్నం ప్రభాకర్‌, కొండా సురేఖ, టీపీసీసీ చీఫ్‌ మహేష్‌ కుమార్‌ గౌడ్‌, ప్రభుత్వ విప్‌ ఆది శ్రీనివాస్‌, బీర్ల ఐలయ్య, మక్కన్‌ సింగ్‌ రాజ్‌ ఠాకూర్‌, వాకిటి శ్రీహరి, ఈర్లపల్లి శంకరయ్యతో పాటు సీఎం రేవంత్‌ రెడ్డి మంగళవారం ఢిల్లీకి వెళ్లనున్నారు. ఈ కార్యక్రమంలో కాంగ్రెస్ అగ్రనేత రాహుల్‌గాంధీ, ఏఐసీసీ నేతలు పాల్గొననున్నట్లుగా సమాచారం.
……………………………….
