* ఇండిగో, ఆకాశ ఎయిర్‌లైన్స్‌ బాంబు బెదిరింపులు
ఆకేరున్యూస్‌, హైదరాబాద్‌: విమానాలకు బాంబు బెదిరింపులు కొనసాగుతున్నాయి. శనివారం సైతం పలు విమానాల్లో బాంబులు పెట్టినట్లుగా బెదిరింపులు రాగా.. గందరగోళ పరిస్థితులు నెలకొన్నాయి. బాంబు బెదిరింపులు వచ్చిన విమానాల్లో మూడు ఇండిగో ఎయిర్‌లైన్స్‌కు చెందిన విమానాలు కాగా.. మరికొన్ని విమానాలు ఆకాశ ఎయిర్‌కు చెందినవిగా గుర్తించారు. కాగా..ఎన్ని విమానాలకు బెదిరింపులు వచ్చాయో వివరాలు తెలియరాలేదు.
బెదిరింపుల నేపథ్యంలో అన్ని చర్యలు తీసుకుంటున్నామని ఎయిర్‌లైన్స్‌ ఓ ప్రకటన విడుదల చేసింది. నిరంతరం వస్తున్న బెదిరింపుల కారణంగా విమానయాన సంస్థలతో పాటు ప్రయాణికులు తీవ్ర ఇబ్బందులు పడుతున్నారు. బెదిరింపులతో భయానకర వాతావరణం నెలకొంది. ఇంతకుముందు ఆసుపత్రులు, పాఠశాలలకు బాంబు బెదిరింపులు రాగా.. ప్రస్తుతం విమానాలు, ఎయిర్‌పోర్ట్‌లకు బెదిరింపులు వస్తున్నాయి. విమానాలకు వస్తున్న బెదిరింపుల నేపథ్యంలో అధికార బీజేపీపై కాంగ్రెస్‌ ఆగ్రహం వ్యక్తం చేస్తున్నది.
…………………………………
