kamalapur | మర్రిపెల్లి గూడెంలో గంజాయి పట్టివేత

ఆకేరు న్యూస్ , కమలాపూర్ :

కమలాపూర్ మండలంలోని మర్రిపెల్లి గూడెం గ్రామ శివారులో గంజాయి పట్టుబడింది. సీఐ హరికృష్ణ పోలీస్ సిబ్బందితో కలిసి సోమవారం సాయంత్రం పెట్రోలింగ్ నిర్వహిస్తుండగా ఈ గంజాయి పట్టుపడింది. మండలంలోని మర్రిపెల్లి గూడెం గ్రామ శివారు వద్ద నిందితులు బీహార్ కు చెందిన కౌశల్ కేవాట్, ధనుంజయ కుమార్ ల‌నే ఇద్దరు వ్యక్తులు అనుమానాస్పదంగా కనబడడంతో వారిని పట్టుకుని తనిఖీ చేయగా వారి వద్ద గంజాయి ఉన్నట్టు గుర్తించారు.నిందితుడి వద్ద ఉన్న బ్యాగులో 510 గ్రాముల ఎండు గంజాయి, చాక్లెట్ల రూపంలో ఉన్న సుమారు 75 గ్రాముల గంజాయిని స్వాధీనం చేసుకున్నారు. అనంతరం స్వాధీనం చేసుకున్న గంజాయిని సీజ్ చేసి ,కేసు నమోదు చేసి నిందితులను రిమాండ్ కు తరలించినట్లు ఇన్స్పెక్టర్ తెలిపారు.
———————————-–