Navodaya Class 6 Admissions Open
* 6వ తరగతి ప్రవేశాలకు దరఖాస్తులు ప్రారంభం..
* జూలై 31 వరకు ఆన్లైన్ దరఖాస్తులు..
* నవంబర్ 28న ప్రవేశ పరీక్ష
ఆకేరు న్యూస్, వరంగల్:
వరంగల్ జిల్లా మామునూరులోని జవహర్ నవోదయ విద్యాలయంలో 2027-28 విద్యా సంవత్సరానికి 6వ తరగతి ప్రవేశాల కోసం దరఖాస్తులు ఆహ్వానిస్తున్నట్లు ఇన్ఛార్జి ప్రిన్సిపల్ ప్రవీణ్కుమార్ తెలిపారు. జవహర్ నవోదయ విద్యాలయ సెలెక్షన్ టెస్ట్ (JNVST-2027) ద్వారా విద్యార్థులను ఎంపిక చేయనున్నారు.
ఉమ్మడి వరంగల్ జిల్లాలో గుర్తింపు పొందిన పాఠశాలల్లో ప్రస్తుతం 5వ తరగతి చదువుతున్న విద్యార్థులు ఈ నెల 31వ తేదీలోపు ఆన్లైన్లో దరఖాస్తు చేసుకోవాలని సూచించారు. ప్రవేశ పరీక్షను నవంబర్ 28, 2026న నిర్వహించనున్నారు.
* ఎవరు అర్హులు?
2026-27 విద్యా సంవత్సరంలో 5వ తరగతి చదువుతున్న విద్యార్థులు మాత్రమే దరఖాస్తు చేసుకోవచ్చు. అభ్యర్థి ప్రవేశం కోరుతున్న అదే జిల్లాకు చెందిన నివాసి అయి ఉండాలి.
* దరఖాస్తుకు ఫీజు లేదు
నవోదయ ప్రవేశానికి ఎలాంటి దరఖాస్తు ఫీజు ఉండదు. ఆసక్తి ఉన్న విద్యార్థులు, తల్లిదండ్రులు చివరి తేదీ కోసం వేచి ఉండకుండా ముందుగానే ఆన్లైన్లో దరఖాస్తు చేసుకోవాలని అధికారులు సూచిస్తున్నారు.
About the Author
Please tell us what is wrong. Your report will be sent to the website team.
