ఎన్టీఆర్‌, అనిల్‌ రావిపూడి
* కడుపుబ్బా నవ్విస్తానంటున్న తారక్‌..
* ఎన్టీఆర్‌ ఆర్ట్స్‌పై కల్యాణ్‌ రామ్‌ నిర్మాణం!
ఆకేరు న్యూస్‌, సినిమా: టాలీవుడ్‌లో మరో ఆసక్తికరమైన కాంబినేషన్‌ ఖరారైంది. యంగ్‌ టైగర్‌ ఎన్టీఆర్‌, విజయవంతమైన చిత్రాల దర్శకుడు అనిల్‌ రావిపూడి కలిసి ఓ సినిమా చేయనున్నారు. ఈ విషయాన్ని స్వయంగా ఎన్టీఆర్‌ సోషల్‌ మీడియా వేదికగా వెల్లడించడంతో అభిమానుల్లో ఉత్సాహం నెలకొంది. అనిల్‌ రావిపూడితో కలిసి దిగిన ఫొటోను పంచుకున్న తారక్‌.. ఈ సినిమా ప్రేక్షకులను కడుపుబ్బా నవ్విస్తుందని పేర్కొన్నారు. దీంతో వీరిద్దరి కలయికలో ఎలాంటి సినిమా రాబోతోందనే ఆసక్తి మొదలైంది.
అనిల్‌ రావిపూడి తెలుగు చిత్ర పరిశ్రమలో వినోదాత్మక చిత్రాల దర్శకుడిగా ప్రత్యేక గుర్తింపు సంపాదించుకున్నారు. ముఖ్యంగా కుటుంబ ప్రేక్షకులను ఆకట్టుకునే కథలు, కామెడీతో వరుస విజయాలు అందుకున్నారు. సంక్రాంతి వంటి పండుగ సమయాల్లో ఆయన సినిమాలు ప్రేక్షకులను విశేషంగా అలరిస్తుంటాయి. అలాంటి దర్శకుడితో ఎన్టీఆర్‌ సినిమా చేయనుండటంతో ఈ ప్రాజెక్టుపై అంచనాలు పెరుగుతున్నాయి.
కల్యాణ్‌ రామ్‌ నిర్మాణంలో..
ఈ చిత్రాన్ని ఎన్టీఆర్‌ ఆర్ట్స్‌ బ్యానర్‌పై నందమూరి కల్యాణ్‌ రామ్‌ నిర్మించనున్నారు. తారక్‌ ప్రకటనతో నందమూరి అభిమానులు ఆనందం వ్యక్తం చేస్తున్నారు. ఇప్పటివరకు భారీ యాక్షన్‌ చిత్రాలతో ప్రేక్షకులను అలరిస్తున్న ఎన్టీఆర్‌.. ఇప్పుడు అనిల్‌ రావిపూడి దర్శకత్వంలో వినోదాత్మక చిత్రానికి సిద్ధమవుతుండటం విశేషం.
‘డ్రాగన్‌’తో బిజీగా తారక్‌..
ప్రస్తుతం ఎన్టీఆర్‌ దర్శకుడు ప్రశాంత్‌ నీల్‌ తెరకెక్కిస్తున్న ‘డ్రాగన్‌’ చిత్రంతో బిజీగా ఉన్నారు. ఈ సినిమాను 2027 జూన్‌ 11న విడుదల చేయనున్నట్లు సమాచారం. మరోవైపు త్రివిక్రమ్‌ దర్శకత్వంలోనూ ఎన్టీఆర్‌ సినిమా చేయనున్నట్లు ప్రచారం జరుగుతోంది. ఈ క్రమంలో అనిల్‌ రావిపూడితో కొత్త ప్రాజెక్టు ప్రకటన రావడం అభిమానుల్లో మరింత ఆసక్తిని పెంచింది.
అనిల్‌ రావిపూడి ఖాతాలో మరిన్ని భారీ ప్రాజెక్టులు?
మరోవైపు అనిల్‌ రావిపూడి భవిష్యత్తు సినిమాలపై కూడా సినీ వర్గాల్లో చర్చ జరుగుతోంది. నిర్మాత దిల్‌ రాజు ఇటీవల ఓ సమావేశంలో 2028 సంక్రాంతికి అనిల్‌ రావిపూడి దర్శకత్వంలో తమ సినిమా ఉండనున్నట్లు వెల్లడించినట్లు సమాచారం. అలాగే పవన్‌ కల్యాణ్‌తోనూ సినిమా చేసే ఆలోచన ఉన్నట్లు వార్తలు వినిపిస్తున్నాయి.
అయితే ఎన్టీఆర్‌–అనిల్‌ రావిపూడి సినిమా ఎప్పుడు పట్టాలెక్కనుంది? ఇందులో నటించే ఇతర నటీనటులు ఎవరు? కథాంశం ఎలా ఉండనుంది? అనే వివరాలు తెలియాల్సి ఉంది. మొత్తానికి భారీ యాక్షన్‌ సినిమాల తర్వాత తారక్‌ నుంచి ఓ (Family Entertainer) రాబోతుందనే వార్త అభిమానుల్లో కొత్త ఉత్సాహాన్ని నింపుతోంది.
This one’s going to be a laugh riot… @AnilRavipudi
#NTRxAnilRavipudi
@NANDAMURIKALYAN @NTRArtsOfficial https://t.co/jUMssuUrtU
— Jr NTR (@tarak9999) November 14, 2026
About the Author
Please tell us what is wrong. Your report will be sent to the website team.
