Tahsildar G Srinivas Award
* ఉత్తమ తహసిల్దార్ జి. శ్రీనివాస్కు రేషన్ డీలర్ల సన్మానం
ఆకేరు న్యూస్, తొర్రూరు:
ఇటీవల ‘ఉత్తమ ఉద్యోగి అవార్డు’ అందుకున్న తొర్రూర్ మండల తహసిల్దార్ జి. శ్రీనివాస్ను సోమవారం రేషన్ డీలర్ల సంఘం ఆధ్వర్యంలో ఘనంగా సన్మానించారు. మండల కేంద్రంలోని తహసిల్దార్ కార్యాలయంలో ఏర్పాటు చేసిన ఈ కార్యక్రమంలో, మండల పరిధిలోని రేషన్ డీలర్లు ఆయనను పూలమాల, శాలువాతో సత్కరించి శుభాకాంక్షలు తెలిపారు.
ప్రజాసేవలో నిరంతరం శ్రమిస్తూ, మండల ప్రజలకు సుపరిపాలన అందిస్తున్నందుకు గాను ఆయనకు ఈ పురస్కారం దక్కడం అభినందనీయమని డీలర్ల సంఘం నాయకులు కొనియాడారు. ప్రజాప్రాతిపదికన సేవలు అందిస్తూ, రేషన్ పంపిణీ వ్యవస్థను సుగమం చేయడంలో తహసిల్దార్ అందిస్తున్న సహకారం మరవలేనిదని పేర్కొన్నారు.
ఈ సందర్భంగా తహసిల్దార్ జి. శ్రీనివాస్ మాట్లాడుతూ… తన బాధ్యతను గుర్తించి అవార్డు అందించిన ఉన్నతాధికారులకు, అలాగే తనను సత్కరించిన రేషన్ డీలర్ల సంఘం సభ్యులకు ప్రత్యేక ధన్యవాదాలు తెలిపారు. అధికారులు, సిబ్బంది, డీలర్ల సమన్వయంతోనే మండలంలో ప్రజలకు మెరుగైన సేవలు అందించగలుగుతున్నామని చెప్పారు. భవిష్యత్తులో కూడా ఇదే స్ఫూర్తితో ప్రజా సంక్షేమం కోసం మరింత బాధ్యతాయుతంగా పనిచేస్తానని ఆయన స్పష్టం చేశారు.
ఈ కార్యక్రమంలో రేషన్ డీలర్ల సంఘం మండల అధ్యక్ష, కార్యదర్శులు, డీలర్లు మరియు రెవెన్యూ శాఖ సిబ్బంది పాల్గొన్నారు.
About the Author
Please tell us what is wrong. Your report will be sent to the website team.
