SPAIN WORLD CHAMPIONS | 16 ఏళ్ల తర్వాత రెండో ప్రపంచకప్

Published: 20 Jul 2026 • 01:58 PM

* ఫైనల్లో అర్జెంటీనాపై 1-0తో విజయం

* ఎక్స్‌ట్రా టైమ్‌లో ఫెర్రాన్ టోరెస్ గోల్..

* 10 మందితో పోరాడిన అర్జెంటీనాకు నిరాశ

ఆకేరు న్యూస్, డెస్క్:

ప్రపంచ ఫుట్‌బాల్ అభిమానులు ఆసక్తిగా ఎదురుచూసిన ఫిఫా వరల్డ్ కప్-2026 ఫైనల్లో స్పెయిన్ విజేతగా నిలిచింది. న్యూజెర్సీలోని మెట్‌లైఫ్ స్టేడియంలో జరిగిన ఉత్కంఠభరిత పోరులో డిఫెండింగ్ ఛాంపియన్ అర్జెంటీనాను 1-0తో ఓడించి 16 ఏళ్ల తర్వాత మరోసారి ప్రపంచకప్ ట్రోఫీని కైవసం చేసుకుంది.

* ఎక్స్‌ట్రా టైమ్‌లో వచ్చిన గోలే తేడా..

నిర్ణీత 90 నిమిషాల్లో ఇరు జట్లు ఒక్క గోల్ కూడా నమోదు చేయలేకపోయాయి. దీంతో మ్యాచ్ ఎక్స్‌ట్రా టైమ్‌కు వెళ్లింది. 106వ నిమిషంలో ఫెర్రాన్ టోరెస్ అద్భుత గోల్ సాధించడంతో స్పెయిన్‌కు విజయాన్ని అందించాడు. చివరి వరకు ఆ ఆధిక్యాన్ని కాపాడుకున్న స్పెయిన్ చరిత్ర సృష్టించింది.

* రెడ్ కార్డ్‌తో అర్జెంటీనాకు ఎదురుదెబ్బ

మ్యాచ్ మధ్యలో అర్జెంటీనా స్టార్ మిడ్‌ఫీల్డర్ ఎంజో ఫెర్నాండెజ్ రెడ్ కార్డ్ పొందడంతో ఆ జట్టు 10 మంది ఆటగాళ్లతోనే మ్యాచ్ కొనసాగించాల్సి వచ్చింది. ఆ తర్వాత స్పెయిన్ పూర్తి ఆధిపత్యం చెలాయించగా, అర్జెంటీనా డిఫెన్స్ తీవ్ర ఒత్తిడిని ఎదుర్కొంది.

* ఫైనల్లో మెస్సీ మ్యాజిక్ కనిపించలేదు

టోర్నీ మొత్తం అద్భుతంగా ఆడిన లియోనెల్ మెస్సీ ఫైనల్లో మాత్రం స్పెయిన్ డిఫెన్స్‌ను ఛేదించలేకపోయాడు. వరుసగా రెండో ప్రపంచకప్ గెలవాలన్న అర్జెంటీనా ఆశలు దీంతో ఆవిరయ్యాయి. అలాగే ఫుట్‌బాల్ చరిత్రలో వరుసగా రెండు ప్రపంచకప్‌లు గెలిచిన మూడో జట్టుగా నిలిచే అవకాశం కూడా చేజారింది.

* స్పెయిన్‌కు రెండో ప్రపంచకప్

2010 తర్వాత మరోసారి ప్రపంచకప్ గెలిచిన స్పెయిన్, రెండోసారి విశ్వవిజేతగా నిలిచింది. టోర్నీ మొత్తం నిలకడైన ఆటతో ఆకట్టుకున్న స్పెయిన్ ఫైనల్లోనూ అదే జోరును కొనసాగించి ట్రోఫీని ముద్దాడింది.