* మహిళతో సహ ముగ్గురు దోపిడీ దొంగల అరెస్ట్‌
ఆకేరు న్యూస్‌, హన్మకొండ: దారుణంగా గాయపర్చి దోపిడీలకు పాల్పడుతున్న ఒక మహిళతో సహ ముగ్గురు నిందితులను హనుమకొండ పోలీసులు బుధవారం అరెస్ట్‌ చేశారు. వీరి నుండి పోలీసులు తొమ్మది వందల నగదు, ఒక సెల్‌ ఫోన్‌ను పోలీసులు స్వాధీనం చేసుకున్నారు.
పోలీసులు అరెస్టు చేసిన వారి వివరాలు..
1) జన్ను రాజ్‌ కుమార్‌, వయస్సు:23 సంవత్సారాలు, లష్కర్‌ సింగారం, 2) కట్కురి యాకుబ్‌ వయస్సు: 30 సంవత్సారాలు, పోచమ్మ మైదాన్‌, వరంగల్‌ ,3)కట్కురి రేణుక, వయస్సు:22, పోచమ్మ మైదాన్‌, వరంగల్‌ కు చెందిన వారిగా గుర్తించారు.
నిందితుల అరెస్ట్‌కు సంబంధించి హనుమకొండ ఏసీపీ దేవేందర్‌ రెడ్డి బుధవారం వివరాలు వెల్లడిరచారు. దేవన్నపేటకు చెందిన బాధితుడు సెప్టెంబర్‌ 30న మధ్యాహ్నం దేవన్నపేటకు వెళ్లేందుకు కిరాయి ఆటో కోసం గోపాల్‌పూర్‌ క్రాస్‌ రోడ్డు వద్ద ఆగివుండగా నిందితులు ముగ్గురు ఒక్కసారిగా వెనుక నుండి వచ్చి బాధితుడుని తీవ్రంగా కొట్టి గుర్తు తెలియని ఆటోలో పోచమ్మకుంట శ్మశానవాటిక వద్దకు తీసుకుపోయి అక్కడ బాధితుడిని నిందితులు మరోసారి తీవ్రంగా కొట్టారని.. అతని వద్ద వున్న పదివేల రూపాయలు, ఒక సెల్‌ ఫోన్‌ ను దోచుకోవడంతో పాటు బాధితుడి గూగుల్‌ పే నుండి మరో వెయ్యి రూపాయలను నిందితులు తమ ఖాతాలోకి డబ్బులను బదిలీ చేయించుకున్నారని వివరించారు. అనంతరం నిందితులు ముగ్గురు అక్కడి నుండి తప్పించుకుపోయారని.. బాధితుడు హన్మకొండ పోలీసు స్టేషన్‌లో ఇచ్చిన ఫిర్యాదుపై కేసు నమోదు చేసుకున్న పోలీసులు ప్రత్యేక బృందాలను ఏర్పాటు చేసి దర్యాప్తు చేశారని పేర్కొన్నారు. నిందితులను గుర్తించిన పోలీసులు బుధవారం ఉదయం హనుమకొండ బస్టాండ్‌లో అరెస్టు చేశారు. నిందితులను పట్టుకోవడంలో ప్రతిభ కబరిచిన హనుమకొండ ఇన్స్‌స్పెక్టర్‌ సతీష్‌, ఎస్‌ఐ సతీష్‌, హెడ్‌ కానిస్టేబుల్‌ రాహూఫ్‌, కానిస్టేబుల్‌ గౌస్‌ పాషాను ఏసీపీ అభినందించారు.
……………………………
