ఆకేరు న్యూస్, డెస్క్ : కెనడాలో రన్వే పై విమానం బోల్తా పడింది. ల్యాండింగ్ అవుతుండగా ఈ ప్రమాదం జరిగింది. ప్రమాద సమయంలో విమానంలో 76 మంది ప్రయాణికులు, నలుగురు సిబ్బంది ఉన్నారు. 18 మంది ప్రయాణికులకు గాయాలు అయ్యాయి. వారిలో ఓ చిన్నారి సహా ముగ్గురి పరిస్థితి విషమంగా ఉన్నట్లు తెలుస్తోంది. టొరంటో(Toronto)లో విమానం ల్యాండ్ అయిన తర్వాత అదుపు తప్పి తలకిందులుగా బోల్తా పడింది. అమెరికా(America)లోని మిన్నెపొలిస్ నుంచి బయల్దేరిన డెల్టా ఎయిర్లైన్స్ (Delta Airlines)విమానం పియర్సన్ విమానాశ్రయ రన్వేపై ల్యాండ్ అవుతుండగా ఈ ప్రమాదం జరిగింది. దట్టంగా మంచు పేరుకుపోయిన రన్వేపై విమానం జారుతూ బోల్తాపడింది. ప్రమాదం కారణంగా విమానంలో మంటలు చెలరేగాయి. ఎమర్జెన్సీ సిబ్బంది అప్రమత్తమై వాటిని అదుపుచేశారు. అందులో చిక్కుకుపోయిన ప్రయాణికులను సురక్షితంగా బయటకు తీసుకొచ్చారు. క్షతగాత్రులను ఆసుపత్రికి తరలించి చికిత్స అందించారు. ఈ ప్రమాదానికి సంబంధించిన వీడియోలు సోషల్ మీడియాలో వైరల్(Viral)గా మారాయి. ఘటనకు గల కారణాలను ఇప్పుడే చెప్పలేమని అధికారులు పేర్కొన్నారు. ప్రతికూల వాతావరణం వల్లే ప్రమాదం జరిగి ఉంటుందని అనుమానిస్తున్నారు.
………………………………….
About the Author
Please tell us what is wrong. Your report will be sent to the website team.
