కమలాపూర్లో నూతన భవనంలోకి మారిన బ్యాంకు
ఆకేరు న్యూస్, కమలాపూర్: కమలాపూర్ మండల కేంద్రంలో ఐదు దశాబ్దాలుగా పాత భవనంలో కొనసాగుతున్న యూనియన్ బ్యాంక్ ఆఫ్ ఇండియా (Union Bank of India) నూతన భవనంలోకి మారింది. శనివారం నిర్వహించిన ప్రారంభోత్సవ కార్యక్రమంలో బ్యాంకు చీఫ్ జనరల్ మేనేజర్ (CGM) ఎం. రవీంద్రబాబు ముఖ్య అతిథిగా పాల్గొని రిబ్బన్ కట్ చేసి నూతన భవనాన్ని ప్రారంభించారు. ఈ సందర్భంగా ప్రత్యేక పూజలు నిర్వహించి, ఖాతాదారులకు స్వీట్లు పంపిణీ చేశారు.
ఈ సందర్భంగా సీజీఎం ఎం. రవీంద్రబాబు మాట్లాడుతూ.. 108 ఏళ్ల బ్యాంకు ప్రస్థానంలో ఖాతాదారులు అందిస్తున్న నమ్మకమే సంస్థకు ప్రధాన బలమని అన్నారు. వినియోగదారులకు మరింత మెరుగైన సేవలు అందించేందుకు ఆధునిక సాంకేతికతను (Technology) జోడిస్తూ, అధునాతన బ్యాంకింగ్ సేవలతో ముందుకు సాగుతున్నామని తెలిపారు. నూతన భవనంలో ఖాతాదారులకు సౌకర్యవంతమైన సేవలు అందించాలని బ్యాంకు సిబ్బందికి సూచించారు.
ఈ కార్యక్రమంలో బ్యాంకు సీనియర్ ఖాతాదారులు, డిప్యూటీ జనరల్ మేనేజర్ (DGM) గంటి కమలాకర్, ఆర్ఏడీ సర్వేష్, కమలాపూర్ బ్రాంచ్ మేనేజర్ శివ ప్రసాద్, బ్యాంకు సిబ్బంది స్వరాజ్యం, పి. మహారాజ్, తరుణ్, బసవ, సాయి పావని, శివ, శ్రీహర్ష, కృష్ణకుమారి తదితరులు పాల్గొన్నారు.

Please tell us what is wrong. Your report will be sent to the website team.

