ఆకేరు న్యూస్‌ డెస్క్‌ : హర్యానా అసెంబ్లీ ఎన్నికల ఫలితాల్లో జులానా స్థానం నుంచి పోటీ చేసిన భారత స్టార్‌ రెజ్లర్‌, కాంగ్రెస్‌ అభ్యర్థి వినేష్‌ ఫొగాట్‌ విజయం సాధించారు. బీజేపీ అభ్యర్థి యోగేష్‌ కుమార్‌పై గెలుపొందారు. ఓట్ల లెక్కింపు ప్రారంభమైనప్పటి నుంచి ఇద్దరి మధ్య హోరాహోరీ పోటీ కొనసాగింది. ఆరు వేల పైచిలుకు ఓట్లతో యోగేష్‌పై విజయం సాధించారు. అలాగే.. హర్యానా అసెంబ్లీ ఎన్నికల ఫలితాల్లో ఎగ్జిట్‌ పోల్స్‌ అంచనాలు తప్పాయి. ఇక్కడ బీజేపీ స్పష్టమైన ఆధిక్యం దిశగా దూసుకెళ్తోంది. ఇప్పటికే మ్యాజిక్‌ ఫిగర్‌ను దాటి అత్యధిక స్థానాల్లో ముందంజలో ఉంది. బీజేపీ 49 స్థానాల్లో ముందంజలో ఉండగా.. కాంగ్రెస్‌ 35 స్థానాల్లో లీడిరగ్‌లో ఉంది. ఐఎన్‌ఎల్‌డీ రెండు స్థానాల్లో, ఇతరులు నాలుగు స్థానాల్లో ముందంజలో ఉన్నారు.
…………………………..
