*ఇక ఫోన్ కాల్తో కమిషనర్కు నేరుగా ఫిర్యాదు చేయండి
ఆకేరు న్యూస్,హైదరాబాద్: నగరంలో ఆక్రమణల చెక్ పెట్టడమే లక్ష్యంగా పనిచేస్తున్న హైడ్రా (HYDRAA), సామాన్య ప్రజలకు మరింత అందుబాటులోకి వచ్చేందుకు మరో అడుగు వేసింది. ఇప్పటికే ప్రతి సోమవారం నిర్వహిస్తున్న ‘ప్రజావాణి’ కార్యక్రమానికి తోడు, ఇప్పుడు ‘ఫోన్-ఇన్’ ప్రోగ్రామ్ను ప్రారంభించాలని నిర్ణయించింది.దీని ద్వారా ప్రజలు కార్యాలయానికి రాకుండానే, నేరుగా తమ సమస్యలను అధికారుల దృష్టికి తీసుకెళ్లవచ్చు.హైడ్రా కమిషనర్ ఏవీ రంగనాథ్ ఈ నూతన విధానాన్ని ప్రకటించారు. ప్రతి శనివారం (సెలవు దినాల్లో మినహాయించి).మధ్యాహ్నం 12:00 గంటల నుండి 1:00 గంట వరకు.హెల్ప్ లైన్ నంబర్లు: 040-29565750, 040-29565759.ఔటర్ రింగ్ రోడ్డు (ORR) పరిధిలోని నగర ప్రజలు ఈ క్రింది అంశాలపై ఫిర్యాదులు చేయవచ్చని కమిషనర్ తెలిపారు:చెరువులు, పార్కులు, నాలాల ఆక్రమణలు.ప్రజా అవసరాల కోసం కేటాయించిన స్థలాల కబ్జాలు.చెరువుల్లో అక్రమంగా మట్టి పోయడం వంటి పనులు.గతంలో చేసిన ఫిర్యాదుల పరిష్కారంపై ఆరా తీయడం (Follow-up).ప్రజా సమస్యల పరిష్కారంలో వేగం పెంచడానికి మరియు పారదర్శకతను మెరుగుపరచడానికి ఈ ‘ఫోన్-ఇన్’ కార్యక్రమం దోహదపడుతుందని హైడ్రా వర్గాలు భావిస్తున్నాయి.
About the Author
