Indira Bima scheme CONGRESS
* ఇందిరా భీమా పథకంతో 5 లక్షల ఆర్థిక సహాయం
… ఎమ్మెల్యే కడియం శ్రీహరి
ఆకేరు న్యూస్, స్టేషన్ ఘన్ పూర్
పేద ప్రజలు, రైతు, మహిళా సంక్షేమానికి అత్యధిక ప్రాధాన్యత ఇస్తూ దేశంలో ఎక్కడా లేనటువంటి సంక్షేమ పథకాలను తెలంగాణ ప్రభుత్వం అమలు చేస్తుందని స్థానిక ఎమ్మెల్యే కడియం శ్రీహరి అన్నారు. జనగామ జిల్లా చిల్పూర్ మండలం పల్లగుట్ట, దేశాయి తండా, నష్కల్ గ్రామాలలో పలు అభివృద్ధి పనులను బుధవారం ఎమ్మెల్యే కడియం శ్రీహరి ప్రారంభించారు.
పల్లగుట్టలో 20 లక్షలతో నిర్మించిన సిసి రోడ్లు, ఇందిరమ్మ ఇల్లు, 25 లక్షలతో నిర్మించిన ప్రాథమిక ఆరోగ్య కేంద్రం నూతన భవనం ఐకేపి ఆధ్వర్యంలో ఏర్పాటు చేసిన ధాన్యం కొనుగోలు కేంద్రాన్ని ఎమ్మెల్యే కడియం శ్రీహరి ప్రారంభించారు. దేశాయితండాలో పిఏసీఎస్ ఆధ్వర్యంలో ఏర్పాటు ధాన్యం కొనుగోలు కేంద్రాన్ని ప్రారంభించారు. నష్కల్ లో 27 లక్షల 50 వేలతో నిర్మించిన సిసి రోడ్లను, ఇందిరమ్మ ఇల్లు, ఐకేపి ఆధ్వర్యంలో ఏర్పాటు చేసిన ధాన్యం కొనుగోలు కేంద్రాన్ని ప్రారంభించారు. ఈ సందర్బంగా ఏర్పాటు చేసిన సమావేశాలలో ఎమ్మెల్యే మాట్లాడుతూ పేద ప్రజల స్వంత ఇంటి కళను కాంగ్రెస్ ప్రభుత్వం, ముఖ్యమంత్రి రేవంత్ రెడ్డి సాకారం చేశారని అన్నారు. కాంగ్రెస్ ప్రభుత్వం అధికారంలోకి వచ్చిన రెండు సంవత్సరాల కాలంలో గత ప్రభుత్వ పథకాలను కొనసాగిస్తూనే 6 గ్యారెంటీల అమలులో భాగంగా అనేక కొత్త పథకాలను ప్రవేశపెట్టినట్లు తెలిపారు. మహిళలకు ఉచిత బస్సు ప్రయాణం, 200 యూనిట్ల ఉచిత విద్యుత్, సన్న బియ్యం పంపిణి, రేషన్ కార్డులు, ఇందిరమ్మ ఇండ్లు, రైతు భరోసా, సన్నాలకు బోనస్, ధాన్యం కొనుగోలు కేంద్రాల ఏర్పాటు వంటి అనేక సంక్షేమ పథకాలు ప్రతీ ఇంటికి చేరుతున్నాయని వెల్లడించారు. గత బిఆర్ఎస్ ప్రభుత్వం చేసిన 8 లక్షల కోట్ల అప్పుకు ప్రతీ నెల 7 వేల కోట్ల మిత్తిలు చెల్లీస్తూ కూడా పేద ప్రజల సంక్షేమ పథకాలను ఆపకుండా అమలు చేస్తున్నట్లు తెలిపారు. త్వరలోనే 2 లక్షల కొత్త పెన్షన్లు, తెల్ల రేషన్ కార్డులు, కోటి 10 లక్షల కుటుంబాలకు ఇందిరా కుటుంబ భీమా పథకాన్ని అమలు చేయనున్నట్లు పేర్కొన్నారు. ఈ పథకం ద్వారా కుటుంబ పెద్ద చనిపోతే 15 రోజులలో 5 లక్షల రూపాయలు ఆర్థిక సహాయం అందించనున్నట్లు తెలిపారు. ఆర్థిక పరమైన ఇబ్బందులు ఉన్నప్పటికీ ప్రజల సంక్షేమానికి కృషి చేస్తున్న కాంగ్రెస్ ప్రభుత్వానికి ప్రజల ఆశీర్వాదం ఉండాలని కోరారు.
పల్లగుట్టలో 30 ఏళ్ల క్రితమే గ్రామానికి నాలుగు వైపులా బిటీ రోడ్లు వేశానని, పాఠశాల, వాటర్ ట్యాంక్, సిసి రోడ్లు వంటి అభివృద్ధి పనులు నేను చేసినవే అని తెలిపారు. పల్లగుట్ట గ్రామానికి 30 ఇందిరమ్మ ఇండ్లు, కోటి 30 లక్షలతో పలు అభివృద్ధి పనులు మంజూరు చేశానని తెలిపారు. 20 లక్షల సిసి రోడ్లు, 25 లక్షల ప్రాథమిక ఆరోగ్య కేంద్రం ప్రారంభించుకున్నామని అన్నారు. 15 రోజులలో మహిళా కమ్యూనిటీ భవనానికి 10లక్షలు వెటర్నరీ హాస్పిటల్ కు 5 లక్షలు మంజూరు చేస్తానని రెండో విడతలో మరో 30 ఇందిరమ్మ ఇండ్లు, 33/11 కేవి విద్యుత్ సబ్ నిర్మాణ పనులు ప్రారంభం అవుతాయాని అన్నారు. నష్కల్ నుండి ఉప్పుగల్ రోడ్డు మరియు ఆకేరు వాగు పై బ్రిడ్జి నిర్మాణానికి 15 కోట్లు ఖర్చు అవుతాయాని 3 నెలల్లో ముఖ్యమంత్రితో మాట్లాడి బ్రిడ్జ్ మరియు రోడ్డు నిర్మాణానికి 15 కోట్లు మంజూరు తీసుకువస్తానని హామీ ఇచ్చారు. గ్రామంలో 27 లక్షల 50వేల రూపాయలతో నిర్మించిన సిసి రోడ్ల ప్రారంభించుకున్నామని త్వరలోనే మరో 25 లక్షల సిసి రోడ్లు మంజూరు ఇస్తానని అన్నారు. 20 లక్షలతో ప్రాథమిక ఆరోగ్య కేంద్రం, 10 లక్షలతో మహిళా కమ్యూనిటీ హల్ నిర్మాణ పనులు సాగుతున్నాయి అన్నారు. నష్కల్ గ్రామాన్ని అందరం కలిసి అభివృద్ధి చేసుకుందామని మీ సహకారం కావాలని కోరారు. ఈ కార్యక్రమంలో చిల్పూర్ ఆలయ కమిటీ చైర్మన్ పొట్లపల్లి శ్రీధర్ రావు, మార్కెట్ కమిటీ చైర్మన్ జూలుకుంట్ల లావణ్య శిరీష్ రెడ్డి స్థానిక సర్పంచులు ఎనగందుల నరసింహరెడ్డి, శాతబోయిన రాజు, ఉప సర్పంచులు రఫీ, మదన్, వార్డు సభ్యులు, పిఎసిఎస్ మాజీ వైస్ చైర్మన్ చిర్ర నాగరాజు, మండల పార్టీ అధ్యక్షుడు ఎస్ కుమార్, డైరెక్టర్లు మండల ప్రజా ప్రతినిధులు వివిధ శాఖల అధికారులు, నాయకులు, మహిళలు తదితరులు పాల్గొన్నారు.
About the Author
మన నియోజకవర్గం sc నియోజకవర్గంగా ఏర్పడి 48 సంవత్సరాలు కడియం శ్రీహరి గారి రాజకీయ జీవితం 30 సంవత్సరాలు వారు మన నియోజకవర్గంలో మొదటీసారి 1994 టీడీపీ ద్వారా పోటీ చేసి గెలిచారు తరువాత మళ్ళీ 1999టిడిపి ద్వారానే మళ్ళీ 2008 మళ్ళీ టీడీపీ ద్వారానే ఎమ్మెల్యే గా గెలిచారు తరువాత కొన్ని సంవత్సరాలు వారికీ కొంత విరామం ఏర్పడింది తరువాత మళ్ళీ 2023లో brs ద్వారా ఎమ్మెల్యే అభ్యర్థిగా ప్రచారానికి వచ్చినప్పుడు శ్రీసితారామచంద్రస్వామి వారి కల్యాణ మండపం వద్ద శ్రీసీతరాములవారి పై ఒట్టేసి నేను గెలిచి అధికారంలోకి వచ్చిన 6 నేలల్లో అకేరు వాగు వంతెన పూర్తి చేస్తాను అని వారు మాట ఇవ్వడం జరిగింది
ఈ రోజు ఐకేపీ సీసీ రోడ్లు ప్రారంభోత్సవానికి వారు రావడం జరిగింది ఈ సభకి మేం వెళ్ళాము మమ్మల్ని చూడగానే కొందరు కాంగ్రెస్ కార్యకర్తలు మీరు సైలెంట్ గా ఉంటే ఇక్కడ ఉండండి లేదా వెళ్లిపోండి అంటూ మాట్లాడటం జరిగింది మేం వారితో మాకు మాట్లాడే అవకాశం ఉంటే అకేరు వంతెన కోసం మాట్లాడుతాం లేదంటే ఎం మాట్లాడుతారో చూస్తాం అని అక్కడే కూర్చున్నాం
మేం ఏదైతే మాట్లాడాలి అనుకున్నామో మా సర్పంచ్ ఉపసర్పంచ్ గార్లు మాట్లాడారు సంతోషం
కడియం గారు మాట్లాడుతూ అకేరు వంతెన 15 కోట్ల ఖర్చుతో కూడిన పని అని చెప్తూ 15 లక్షల పని అయితే ఇప్పుడే చేపించే వాళ్ళం అని చెప్పారు
సార్ మీరు 20 సంవత్సరాలుగా అధికారం అనుభవిస్తూ ఏ పార్టీ అధికారంలో అదే పార్టీలో కొనసాగారు 1994 నుండి 2004 వరకు టీడీపీ 2008 ఉపఎన్నిక సమయంలో పోటీ చేసి గెలిచారు.2014 to 2023 TRS + BRS లొ Mp గా ఉప ముఖ్యమంత్రి గా ప్రస్తుతం BRS MLA ఇప్పుడు కాంగ్రెస్ తో కలిసి పనిచేస్తున్నారు
అయిన కూడా మీరు 15 సంవత్సరాలు వేరే వాళ్ళని గెలిపిస్తే వారు ఎగిరి దుంకి తిని తాగి వెళ్లిపోయారు ఆ 15యేండ్ల భారం నాపై పడుతుంది అంటున్నారు కానీ మీ ముప్పై సంవత్సరాల రాజకీయ జీవితం మీరు అధికారం ఉన్న పార్టితోనే కొనసాగారు
మీరు హామీ ఇచ్చినప్పుడు తెలియదా సార్ 15 కోట్ల ఖర్చు వస్తుంది అని మళ్ళీ ఇప్పుడేమో ఇంకో 15 ఏండ్లు గెలిపిస్తే చేస్తా అనడం హాస్యాస్పదం