Jr NTR sents Cookies to Fan, Video Viral in Social Media
* అభిమాని కోరికను నిజం చేసిన ఎన్టీఆర్
* ఇంటికే కుకీస్ పంపించి సర్ప్రైజ్!
ఆకేరు న్యూస్, డెస్క్: హీరో జూనియర్ ఎన్టీఆర్ (Jr NTR) మరోసారి తన అభిమానుల పట్ల ఉన్న ప్రేమను చాటుకున్నారు. సోషల్ మీడియాలో సరదాగా మొదలైన ఓ సంభాషణ, చివరకు అభిమానిని ఆనందంలో ముంచెత్తిన మధురమైన సంఘటనగా మారింది.
ఇటీవల ఎన్టీఆర్ తన ఇంట్లో స్వయంగా కుకీస్ తయారు చేసిన వీడియోను ఇన్స్టాగ్రామ్ స్టోరీలో షేర్ చేశారు. “My First Bake” అంటూ ఆయన చేసిన ఈ పోస్ట్ అభిమానులను ఆకట్టుకుంది.
అదే సమయంలో ఓ అభిమాని సోషల్ మీడియాలో స్పందిస్తూ, “మా ఇంట్లో ఇద్దరు చిన్న పిల్లలు ఉన్నారు అన్నా.. రెండు కుకీస్ పంపించు” అంటూ సరదాగా పోస్ట్ చేశాడు.
దీనికి ఎన్టీఆర్ కూడా తనదైన స్టైల్లో ఫన్నీగా స్పందించడంతో ఆ సంభాషణ సోషల్ మీడియాలో వైరల్ అయింది. అయితే చాలా మంది అది కేవలం సరదా చాట్తోనే ముగిసిపోతుందని భావించారు.
కానీ అందరినీ ఆశ్చర్యపరుస్తూ ఎన్టీఆర్ నిజంగానే ఆ అభిమానికి తన చేతులతో తయారు చేసిన కుకీస్ను (Cookies) పంపించారు. కుకీస్ అందుకున్న అభిమాని ఆ విషయాన్ని సోషల్ మీడియాలో పంచుకోవడంతో ఈ ఘటన వెలుగులోకి వచ్చింది.
తన అభిమానులపై ఎన్టీఆర్ (Jr NTR) చూపించిన ఈ ప్రత్యేక అభిమానానికి నెటిజన్లు ఫిదా అవుతున్నారు. స్టార్ హీరో స్థాయిలో ఉన్నప్పటికీ, ఓ అభిమాని చేసిన చిన్న కోరికను గుర్తుంచుకుని దానిని నెరవేర్చడం ఆయన గొప్ప మనసుకు నిదర్శనమని ప్రశంసలు కురిపిస్తున్నారు.
ప్రస్తుతం కుకీస్తో కూడిన ఈ మధురమైన సర్ప్రైజ్ సోషల్ మీడియాలో వైరల్ అవుతోంది. అభిమానులు “ఇదే మా తారక్ అన్న”, “ఫ్యాన్స్ను కుటుంబ సభ్యుల్లా చూసుకునే హీరో” అంటూ కామెంట్లు చేస్తున్నారు.
About the Author
