Toxic IMAX Version | ‘టాక్సిక్’ ఐమ్యాక్స్ వెర్షన్ కన్ఫర్మ్

Published: 11 Aug 2026 • 05:06 PM

ఆకేరు న్యూస్‌, హైద‌రాబాద్ :

యశ్ హీరోగా తెరకెక్కుతున్న భారీ యాక్షన్ చిత్రం ‘టాక్సిక్’పై ప్రేక్షకుల్లో అంచనాలు రోజురోజుకూ పెరుగుతున్నాయి.
గీతూ మోహన్‌దాస్ దర్శకత్వం వహిస్తున్న ఈ చిత్రాన్ని కేవీఎన్ ప్రొడక్షన్స్ బ్యానర్‌పై రూపొందిస్తున్నారు. తాజా సమాచారం ప్రకారం ‘టాక్సిక్’ చిత్రాన్ని ఐమ్యాక్స్ వెర్షన్‌లోనూ ప్రేక్షకుల ముందుకు తీసుకురావడానికి సన్నాహాలు జరుగుతున్నట్లు తెలుస్తోంది.భారీ యాక్షన్ సన్నివేశాలు, విజువల్ ఎఫెక్ట్స్ ఈ సినిమాకు ప్రధాన ఆకర్షణగా నిలవనున్నాయని చిత్రబృందం చెబుతోంది.అందుకే పెద్ద తెరపై మరింత అద్భుతమైన అనుభూతిని అందించేందుకు ఐమ్యాక్స్ ఫార్మాట్‌ను ఎంచుకున్నట్లు సమాచారం.ఇప్పటికే సినిమాకు సంబంధించిన పలు అంశాలు అభిమానుల్లో ఆసక్తిని పెంచుతున్నాయి.

* కేజీఎఫ్ టు టాక్సిక్

యశ్ గత చిత్రం ‘కేజీఎఫ్’ సిరీస్‌తో పాన్ ఇండియా స్థాయిలో ప్రత్యేక గుర్తింపు తెచ్చుకున్న సంగతి తెలిసిందే.
‘టాక్సిక్’ కూడా అదే స్థాయిలో భారీగా రూపొందుతున్న చిత్రంగా సినీ వర్గాల్లో చర్చ సాగుతోంది.
ఈ సినిమాలో నయనతార, కియారా అద్వానీ తదితరులు కీలక పాత్రల్లో కనిపించనున్నట్లు సమాచారం.

* 26న ప్రపంచవ్యాప్తంగా విడుదల

ఐమ్యాక్స్ వెర్షన్‌కు భారీ స్క్రీన్‌పై యాక్షన్ సన్నివేశాలు కంటికి ఇంపుగా కనిపిస్తాయి అనడంలో ఎలాంటి సందేహం లేదు.ఇక ప్రత్యేకంగా సౌండ్ డిజైన్, విజువల్స్ ప్రేక్షకులకు థియేట్రికల్ ఎక్స్‌పీరియన్స్‌ను పెంచేలా ఉండనున్నాయి.
ఈ సినిమా ఆగస్టు 26, 2026 న ప్రపంచవ్యాప్తంగా థియేటర్లలో విడుదల కానుంది. తెలుగుతో పాటు కన్నడ, హిందీ, తమిళం, మలయాళ భాషల్లో ఈ చిత్రం విడుదలవుతోంది