Megastar Chiranjeevi | చిరు లీక్స్.. మెగా 158 టైటిల్ బయటకు!

Published: 12 Aug 2026 • 04:37 PM

ఆకేరు న్యూస్‌, హైద‌రాబాద్ :

మెగాస్టార్ చిరంజీవి, దర్శకుడు బాబీ కొల్లి కాంబినేషన్‌లో తెరకెక్కుతున్న ‘మెగా 158’ సినిమాపై భారీ అంచనాలు నెలకొన్నాయి. ఇప్పటికే ‘వాల్తేరు వీరయ్య’తో మెగా అభిమానులకు మాస్ ట్రీట్ ఇచ్చిన ఈ కాంబో.. మరోసారి ప్రేక్షకుల ముందుకు రాబోతోంది. తాజాగా ఈ సినిమాకు ‘కదిరి’ అనే టైటిల్‌ను చిరంజీవి స్వయంగా లీక్ చేయడంతో సినీ వర్గాల్లో ఆసక్తి మరింత పెరిగింది.

* అనుకోకుండా టైటిల్ వెల్లడి

ఇటీవల ‘కొరియన్ కనకరాజు’ సక్సెస్ మీట్‌లో మాట్లాడిన చిరంజీవి.. తన 158వ సినిమా టైటిల్ ‘కదిరి’ అని అనుకోకుండా వెల్లడించినట్లు సమాచారం. అంతేకాకుండా తన పుట్టినరోజు సందర్భంగా ఈ సినిమా టీజర్‌ను విడుదల చేయనున్నట్లు కూడా ఆయన చెప్పినట్లు వార్తలు వచ్చాయి. అయితే ‘కదిరి’ అనే టైటిల్‌ను చిత్రబృందం అధికారికంగా ప్రకటించాల్సి ఉంది.

* ఈ లీక్ నిజమేనా?

‘వాల్తేరు వీరయ్య’ తర్వాత చిరంజీవి–బాబీ కాంబినేషన్‌లో వస్తున్న రెండో సినిమా కావడంతో ‘కదిరి’పై అభిమానుల్లో ఆసక్తి నెలకొంది. ముఖ్యంగా చిరంజీవి మాస్ ఇమేజ్‌కు తగ్గట్టుగా బాబీ ఈ చిత్రాన్ని తెరకెక్కిస్తున్నట్లు ప్రచారం జరుగుతోంది. టైటిల్‌పై చిరు ఇచ్చిన లీక్ నిజమేనా? ‘కదిరి’ పేరుతోనే సినిమా అధికారికంగా ప్రకటిస్తారా? అన్నది తెలియాలంటే చిత్రబృందం అధికారిక ప్రకటన వరకు వేచి చూడాల్సిందే. ఈ సినిమాలో అనస్వర రాజన్ , నివేదా పేతురాజ్‌తో పాటు మరికొందరు కీలక నటులు కూడా సినిమాలో భాగమవుతున్నట్లు సమాచారం. నారా రోహిత్ ప్రత్యేక పాత్రలో కనిపించనున్నట్లు కూడా వార్తలు వెలువడ్డాయి.